موجودہ دور میں سرحدی علاقوں میں جنگ کے خطرات کو رد نہیں کیا جا سکتا ہے
سرحدی علاقوں کی جانب بہترین رابطے کو بڑھاﺅا دینا اور سرحدی علاقوں کی ترقی وقت کی ضرورت / راجناتھ سنگھ
/ موجودہ دور میں سرحدی علاقوں میں جنگ کے خطرات کو رد نہیں کیا جا سکتا ہے کی بات کرتے ہوئے وزیر دفاع راجنا تھ سنگھ نے کہا کہ سرحدی علاقوں کی جانب بہترین رابطے کو بڑھاﺅا دینا اور سرحدی علاقوں کی ترقی وقت کی ضرورت ہے ۔ سی این آئی مانیٹرنگ کے مطابق لداخ میں دو اہم پلو ں سمیت بارڈر روڈز آرگنائزیشن کے ذریعہ تعمیر کردہ 27 پروجیکٹوں کا افتتاح کرتے ہوئے مرکزی وزیر دفاع راجنا تھ سنگھ نے کہا کہ موجودہ دور میں سرحدی علاقوں کو ترقی دینے کی ضرورت ہے کیونکہ موجودہ حالات میں کسی بھی وقت کسی بھی جنگ کے امکانات کا مسترد نہیں کیا جا سکتا ہے ۔ راجناتھ سنگھ نے کہا کہ یہ فخر کی بات ہے کہ ہمارے پاس ترقی میں تعاون کیلئے بارڈر روڈز آرگنائزیشن ہے۔ انہوں نے کہا کہ سرحدی علاقوں کی ترقی کے عمل میں کچھ خاص ضرورتیں ہیں جن کا خیال رکھنا ضروری ہے، ہم نے ان ضروریات پر توجہ دی اور زمینی سطح پر ان پر کام کیا، ہم نے دیکھا کہ ان علاقوں میں سرمائے کی ضرورت ہے، جو نہیں ہو سکتی۔اس موقعہ پر سنگھ نے اپنے خطاب میں ترقی پذیر قوموں اور برادریوں کے عمل میں رابطے اور سڑکوں کی اہمیت کے بارے میں بات کی۔راجنا تھ سنگھ نے مزید کہا کہ جنوبی لداخ میں املنگ لا پاس پر 19000 فٹ کی اونچائی پر بنائی گئی سڑک اب دنیا کی سب سے اونچی موٹرسائیکل سڑک بن گئی ہے۔ یہ سڑک نہ صرف مسلح افواج کو تیز تر بھیجنے میں آسانی فراہم کرے گی بلکہ خطے میں سیاحت کو بھی فروغ دے گی۔