دنیا کے دیگر ممالک کی طرح ہی بھارت بھی اس سے محفوظ نہیں ہے / وزیراعظم مودی
وزیر اعظم نریندرمودی نے کہا ہے کہ اس وقت عالمی سطح پر اومیکرون ایک تشویش کا باعث بن گیا ہے اور ہمارا ملک بھی اس سے محفوظ نہیں ہے ۔ا نہوںنے کہا کہ ہماری کوشش یہ ہونی چاہئے کہ بغیر خوف کے ہم اس کامقابل کریں جس طرح کووڈ کی پہلی اور دوسری لہر میں کیا تھا۔ مودی نے کہا کہ اِس بحران نے ہمیں نئے سبق سکھائے ہیں اور موجودہ ڈھانچے منتشر ہوکر رہ گئے ہیں جو کووڈ کے بعد کے دور میں ایک نئے عالمی نظام کے ابھرنے کے راہ ہموار کریںگے۔ وزیراعظم نریندر مودی نے کہا ہے کہ بھارت کو کووڈ19- کے بعد اِس نئے عالمی نظام میں ایک عالمی لیڈر کی حیثیت سے ابھرنا چاہئے۔ وزیراعظم مودی نئی دلّی میں آزادی کا امرت مہوتسو سے متعلق دوسری قومی کمیٹی کی میٹنگ میں خطاب کررہے تھے۔ انہوں نے کہا کہ بھارت ایک ایسے وقت میں آزادی کا امرت مہوتسو منا رہا ہے جب دنیا کووڈ کے بحران سے دوچار ہے اور ہمارا ملک بھی اِس سے محفوظ نہیں ہے۔ مودی نے کہا کہ اِس بحران نے ہمیں نئے سبق سکھائے ہیں اور موجودہ ڈھانچے منتشر ہوکر رہ گئے ہیں جو کووڈ کے بعد کے دور میں ایک نئے عالمی نظام کے ابھرنے کے راہ ہموار کریںگے۔ وزیراعظم نے کہا کہ اکیسویں صدی ایشیا کی صدی ہوگی اور یہ ضروری ہے کہ اس صدی میں ایشیا میں بھارت کے وقار پر توجہ دی جائے۔ انہوں نے اس بات پر زور دیا کہ یہ ایک اچھا موقع ہے کہ 2047 پر توجہ مرکوز کی جائے جب ملک آزادی کے سو سال منائے گا۔ مودی نے کہا کہ ا±س وقت موجودہ نسل باگ ڈور سنبھالے گی اور ملک کی قسمت ا±ن کے ہاتھوں میں ہوگی۔ وزیراعظم نے زور دیتے ہوئے کہا کہ آزادی کا امرت مہوتسو نوجوانوں میں فرض کے احساس کا جذبہ پیدا کرے گا۔لوک سبھا کے اسپیکر، گورنرس، مرکزی وزرائ، وزرائے اعلیٰ، سیاسی لیڈران، حکام، روحانی لیڈروں، فنکاروں اور فلم شخصیتوں سمیت نیشنل کمیٹی کے مختلف ممبروں نے میٹنگ میں شرکت کی۔ کمیٹی کے ممبروں نے آزادی کا امرت مہوتسو کے اہتمام کیلئے وزیراعظم کا شکریہ ادا کیا۔نیشنل قومی کمیٹی کی پہلی میٹنگ کا اہتمام 12 مارچ کو وزیراعظم کی جانب سے آزادی کا امرت مہوتسو کے آغاز سے قبل اس سال 8 مارچ کو کیا گیا تھا۔