کورونا کی نئی قسم مزید پھیل سکتی ہے: ڈبلیو ایچ او

جینوا/ ایجنسیز/عالمی ادارہ صحت (ڈبلیو ایچ او) نے عالمی سطح پر کورونا وائرس کی نئی قسم اومی کرون کے ممکنہ مزید پھیلاو کا امکان ظاہر کردیا۔ ڈبلیو ایچ او کا کہنا ہے کہ اومی کرون ویرئینٹ کے سبب مستقبل میں کورونا کیسز میں اضافہ ہوسکتا ہے جس کے سنگین نتائج ہوسکتے ہیں، اومی کرون ویرئینٹ کے قوت مدافعت پر اثر سے متعلق مزید تحقیق کی ضرورت ہے۔ عالمی ادارہ کا کہنا ہے کہ اومی کرون ویرئینٹ کے قوت مدافعت پر اثرات سے متعلق اعداد و شمار آئندہ چند ہفتوں میں متوقع ہیں۔ ڈبلیو ایچ او نے کورونا کے اومی کرون ویرئینٹ سے متعلق بریفنگ میں رکن ممالک پر زور دیا ہے کہ کورونا کے نئے ویرئینٹ کے کیسز، کلسٹرز کو رپورٹ کریں، کورونا کیخلاف ویکسی نیشن کا عمل تیز کریں اور بروقت بین الاقوامی سفر کیلئے خطرے پر مبنی اپروچ استعمال کریں۔