ہندوستان اور چلی نے کثیر جہتی تعلقات کو گہرا کرنے پر کام جاری رکھنے کا عزم  کیا

نئی دہلی، 18 ستمبر ۔ 18؍ ستمبر۔ ایم این این۔ وزارت خارجہ کے سکریٹری (مغربی) سبی جارج نے نئی دہلی میں چلی کے قومی دن کی تقریبات میں ہندوستان کی نمائندگی کی، دونوں ممالک کے درمیان مضبوط شراکت داری کے عزم کا اعادہ کیا۔ایکس پر چلی کے قومی دن کی تقریبات کی تصویریں شیئر کرتے ہوئے،  وزارت خارجہ امور کے ترجمان رندھیر جیسوال نے کہا، "سکریٹری (مغربی)سبی جارج نے چلی کے قومی دن کی تقریبات میں ہندوستان کی نمائندگی کی۔ انہوں نے مضبوط ہندوستان-چلی شراکت داری کے عزم کا اعادہ کیا، جس کی رہنمائی پی ایم نریندر مودی اور صدر گیبریل مودی کے درمیان حالیہ ملاقاتوں کے دوران طے شدہ روڈ میپ کے ذریعہ کی گئی تھی۔”جولائی کے شروع میں، پی ایم مودی نے برازیل کے ریو ڈی جنیرو میں برکس سربراہی اجلاس کے موقع پر چلی کے صدر گیبریل بورک فونٹ سے ملاقات کی۔ چلی کے صدر کے ساتھ اپنی ملاقات کے بارے میں تفصیلات بتاتے ہوئے پی ایم مودی نے دونوں ملکوں کے درمیان بڑھتی ہوئی دوستی کا ذکر کیا۔  وزیر اعظم   مودی  نے   ایکس پر پوسٹ  کیا کہریو برکس سربراہی اجلاس کے دوران چلی کے صدر گیبریل بورک فونٹ سے ملاقات کرکے خوشی ہوئی۔ ہندوستان چلی دوستی مضبوط سے مضبوط تر ہوتی جارہی ہے۔اپریل میں، فونٹ نے ایک اعلیٰ سطحی وفد کے ہمراہ ہندوستان کا سرکاری دورہ کیا، جس میں وزراء، اراکین پارلیمنٹ، سینئر حکام، تجارتی انجمنیں، میڈیا اور چلی کے ممتاز لوگ شامل تھے جو ہندوستان چلی ثقافتی رابطے میں شامل تھے۔دونوں ممالک کے درمیان سفارتی تعلقات کے 76 سال مکمل ہونے کی یاد میں ہونے والے اس دورے کے دوران دونوں رہنماؤں نے 1949 میں قائم ہونے والے تاریخی سفارتی تعلقات، بڑھتے ہوئے تجارتی روابط، عوام سے عوام کے روابط، ثقافتی روابط اور دونوں ممالک کے درمیان گرمجوشی اور خوشگوار دوطرفہ تعلقات پر تفصیلی تبادلہ خیال کیا۔ انہوں نے باہمی مفادات کے تمام شعبوں میں دونوں ممالک کے درمیان کثیر جہتی تعلقات کو مزید وسعت دینے اور گہرا کرنے کی خواہش کا اظہار کیا۔بات چیت کے دوران، وزیر اعظم مودی نے  ‘وائس آف گلوبل ساؤتھ’ سمٹ کے تینوں ایڈیشنوں میں چلی کی شرکت کی تعریف کی، جو گلوبل ساؤتھ کے ممالک کو ان کے ترقیاتی نقطہ نظر اور ترجیحات کو بانٹنے کے لیے ایک ساتھ لانے کے عزم کی عکاسی کرتا ہے۔