کشمیر بھر میں17اپریل تک موسم خشک اور خوشگوار

18تا20اپریل برف وباراں اور تیز ہواﺅں کاامکان
سرینگر/اتوار کے بعد پیر کو بھی دن کا درجہ حرارت معمول سے زیادہ رہنے کے باعث بڑھتی گرمی کے بیچ موسمیاتی مرکز سری نگر نے 17اپریل تک کشمیر وادی میں موسم خشک اور خوشگواررہنے کی پیش گوئی کو دوہراتے ہوئے کہاکہ 18تا20اپریل برف وباراں اور تیز ہواﺅں کاامکان ہے ۔جے کے این ایس کے مطابق موسمیاتی مرکز نے پیر کے روز ایک بیان میں کہاکہ کشمیر بھر میں17اپریل تک موسم خشک اور خوشگوار رہنے کی توقع ہے تاہم 18سے20اپریل تک اکثر مقامات پر ہلکی سے اعتدال پسند بارش وبرف (اونچی پہنچ) کے ساتھ عام طور پر ابر آلود رہنے کے ساتھ 18 اور 19 اپریل کے دوران گرج چمک کے ساتھ تیز ہواو ¿ں کے ساتھ الگ تھلگ مقامات پر ہلکی سے بھاری بارش کا امکان ہے جبکہ 18سے20 اپریل کے دوران اونچے مقامات پر ہلکی برفباری کا امکان ہے۔موسمیاتی مرکز سری نگرکے مطابق 21اپریل کو بھی مطلع عام طور پر ابر آلود رہنے کے بیچ بکھرے ہوئے مقامات پر گرج چمک کےساتھ ہلکی بارش کاامکان ہے تاہم 22سے25اپریل تک پھر موسم عام طور پر خشک رہنے گا ۔موسمیاتی مرکز نے کہاکہ مسافروں،سیاحوں،ٹرانسپورٹرز کو مشورہ دیا جاتا ہے کہ وہ اس کے مطابق منصوبہ بندی کریں اور نتظامیہ کی ٹریفک ایڈوائزری پر عمل کریں۔ کاشتکاروں کو مشورہ دیا جاتا ہے کہ وہ 17 اپریل تک فارم کا کام جاری رکھیں۔