مودی کی زیرقیادت بھارت میں اعتماد کااظہار:وزیرداخلہ امت شاہ

 سری نگر/مرکزی وزیر داخلہ امت شاہ نے جمعرات کو کہا کہ جموں و کشمیر میں مقیم حریت کانفرنس کے 2 اور حلقوں نے علیحدگی پسندی کو ترک کر دیا ہے اور وزیر اعظم نریندر مودی کے ذریعہ بنائے گئے نئے بھارت میں اپنا اعتماد ظاہر کیا ہے۔انہوں نے کہا کہ یہ پیشرفت علیحدگی پسندوں کے گروپ کے2 دیگر ملحقہ اداروں کے اسی طرح کے اعلانات کے2 دن بعد ہوئی ہے۔جے کے این ایس کے مطابق منگل کو جموں و کشمیر پیپلز موومنٹ اور جموں و کشمیر ڈیموکریٹک پولیٹیکل موومنٹ نے علیحدگی پسندی سے تمام تعلقات منقطع کرنے کا اعلان کیا۔مرکزی وزیر داخلہ امت شاہ نے کہا کہ مودی حکومت کے تحت علیحدگی پسندی آخری سانسیں لے رہی ہے اور اتحاد کی جیت پورے کشمیر میں گونج رہی ہے۔امت شاہ نے ایکس پرایک پوسٹ میں لکھا”وادی کشمیر سے ایک اور بڑی خبر۔ حریت سے وابستہ 2 مزید گروپوں، یعنی جموں و کشمیر تحریکی استقلال اور جموں و کشمیر تحریک استقامت، نے علیحدگی پسندی کو ترک کر دیا ہے اور وزیراعظم مودی جی کی طرف سے بنائے گئے نئے بھارت پر اپنا اعتماد بحال کر دیا ہے“۔
 جموں و کشمیر میں ایشیا کی سب سے طویل سرنگ زوجیلا ٹنل کا تقریباً 70 فیصد کام مکمل