بھارت کا ہر شہری دیش کےلئے جانیں دینے والوں کی قربانیاں یاد کرتا ہے ۔ لیفٹیننٹ گورنر

جانبازوں کی غیر متزلزل ہمت، انقلابی جذبہ اور بے لوث قربانی ہم سب کو متاثر کرتی رہتی ہے
کشمیر میں دیش بھگتوں کی قربانیوں کی بدولت یہاں آج عوامی منتخب حکومت کام کررہی ہے۔ سنہا
سرینگر////لیفٹیننٹ گورنر منوج سنہا نے بھارت کی آزادی کےلئے جانی قربان کرنے والے سپوتوں کو خراج عقیدت پیش کرتے ہوئے کہا ہے کہ ان کی قربانیاںہر ہندوستانی کےلئے عظیم ہے ۔ انہوںنے بتایا کہ بھارت کا ہر شہری چاہے وہ کسی بھی دھرم اور قوم یا جاتی کا ہو اپنے ویروں کی قربانیوں کو یاد کرتا ہے ۔ انہوںنے بتایاکہ بھارت کی سرزمین کو غلامی کی زنجیروں سے آزاد کرانے کےلئے ان ویروں نے جو کام کیا ہے وہ ناقابل فراموش ہے ۔منوج سنہا نے مزید کہا کہ جموں کشمیر میں دیش بھگتوں نے ملک کی سلامتی اور یکجہتی کےلئے قربانیاں پیش کی ہیں جن کی بدولت آج وادی کشمیر میںامن اور ترقی کا دور ہے جس کا نتیجہ یہ ہے کہ آج خطے میں ایک عوامی منتخب حکومت کام کررہی ہے ۔ وائس آف انڈیا کے مطابق لیفٹیننٹ گورنر منوج سنہا نے اتوارکو اپنے سوشل میڈیا اکاونٹ ایکس پر ٹویٹ کرتے ہوئے کہا ہے کہ بھارت کی آزادی کےلئے جن سپوتوں نے اپنی جانوں کی قربانیاں پیش کی ہیں ان کی قربانیاں ہر ہندوستانی کے دلوں میں تازہ ہے ۔ انہوںنے بتایا کہ آج کے بھارت کی بنیاد انہیں لوگوں نے اپنے خون سے رکھی تھی اور یہ انقلابی جذبہ اور قربانی ہم سب کےلئے متاثر کن ہے ۔ لیفٹیننٹ گورنر منوج سنہا نے مزید کہا ہے کہ ماں بھارتی کے عظیم بیٹوں، عظیم آزادی پسندوں، بھگت سنگھ، سکھ دیو اور راج گرو کو میرا خراج عقیدت جنہوں نے ہندوستان کی آزادی کے لیے اپنی جانیں قربان کیں۔ ان کی غیر متزلزل ہمت، انقلابی جذبہ اور بے لوث قربانی ہم سب کو متاثر کرتی رہتی ہے۔منوج سنہانے کہا کہ کشمیر میں بھی دیش بھگتوںنے جس جذبے کے ساتھ ملک کی سلامتی اور یکجہتی کےلئے قربانیاں پیش کی ہیں ان قربانیوں کے نتیجے میںہی آج یہاں امن اور ترقی کا نیا دور چل رہا ہے جبکہ عوامی نمائندہ حکومت اپنا کام کررہی ہیں۔ انہوںنے کہا کہ قربانیوں کی بدولت ہی ایک تو یہاںپر ملٹنسی قریب قریب ختم ہوئی ہے دوسرا علیحدگی پسند ی کا رجحان بھی مکمل طور پر ختم ہوچکا ہے ۔ انہوںنے بتایا کہ اب لوگ بلا کسی خوف کے آزادانہ طور پر گھوم پھر رہے ہیں خاص کر نوجوان اپنی مرضی سے رات دھیر تک گھروں سے باہر رہتے ہیں جنہیں اب حالات کی خرابی کا کوئی خطرہ محسوس نہیں ہورہا ہے ۔