وزیراعظم  مودی یورپی کمیشن کی صدر کے ساتھ اعلیٰ سطحی بات چیت کریں گے۔وزارت خارجہ

 نئی دلی/ وزارت خارجہ   امور نے ہفتہ کو ایک بیان میں کہا کہ یورپی کمیشن کی صدر، ارسلا وان ڈیر لیین، وزیر اعظم نریندر مودی کی دعوت پر 27-28 فروری کو ہندوستان کا دورہ کریں گی۔ان کے ساتھ یورپی یونین  کالج آف کمشنرز بھی ہوں گی۔یہ صدر ارسلا وان ڈیر لیین کا تیسرا دورہ ہندوستان ہوگا۔ اس سے قبل وہ اپریل 2022 میں دو طرفہ سرکاری دورے کے لیے اور ستمبر 2023 میں جی 20 لیڈروں کے سربراہی اجلاس میں شرکت کے لیے ہندوستان گئی ہیں۔ وزارت خارجہ امور  نے نوٹ کیا کہ یہ پہلا موقع ہوگا جب پورے  ای یو کالج آف کمشنرس ایک ساتھ ہندوستان کا دورہ کریں گے۔ یہ جون 2024 میں ہونے والے یورپی پارلیمانی انتخابات کے بعد دسمبر 2024 میں موجودہ یورپی کمیشن کے مینڈیٹ کے آغاز کے بعد سے پہلے ایسے دوروں میں سے ایک ہے۔دورے کے دوران وزیر اعظم مودی صدر ارسولا وان ڈیر لیین کے ساتھ وفد کی سطح پر بات چیت کریں گے۔ "ہندوستان کی دوسری وزارتی میٹنگ  ای  یو۔ تجارت اور ٹیکنالوجی کونسل اور یورپی کمشنروں اور ان کے ہندوستانی ہم منصبوں کے درمیان دو طرفہ وزارتی میٹنگیں بھی اس دورے کے دوران ہوں گی۔ہندوستان اور یورپی یونین 2004 سے تزویراتی شراکت دار ہیں۔  وزارت  خارجہ امور نے نوٹ کیا کہ کئی شعبوں میں ان کے تعلقات مضبوط ہوئے ہیں۔بیان میں کہا گیا ہے کہ "جب دونوں فریق سٹریٹجک شراکت داری کی تیسری دہائی میں داخل ہو رہے ہیں، صدر وان ڈیر لیین اور یورپی یونین کالج آف کمشنرز کا دورہ بڑھتے ہوئے ہم آہنگی کی بنیاد پر دو طرفہ تعلقات کو مزید مضبوط بنانے کی راہ ہموار کرے گا۔ہندوستان اور یورپی یونین کے درمیان تعلقات جمہوریت کی مشترکہ اقدار اور بین الاقوامی کثیرالطرفہ طرز حکمرانی پر مبنی ہیں۔ یہ تعلقات کثیر جہتی ہیں اور تجارت، سرمایہ کاری موسمیاتی تبدیلی، سائنس اور ٹیکنالوجی، ڈیجیٹل کنیکٹیویٹی اور زراعت سمیت ایک وسیع میدان کا احاطہ کرتے ہیں۔