جمعہ کو دن کشمیرمیں بھر دُھوپ چھاﺅںکا کھیل

 16سے22فروری تک مختلف علاقوںمیں ہلکی بارش وبرفباری کا امکان
سری نگر:/پوری کشمیر وادی میں رات کے درجہ حرارت میں معمولی بہتری کے بعد جمعہ کے روز بیشتر وقت دھوپ چھاﺅںکا کھیل جاری رہا۔اس دوران موسمیاتی مرکز سری نگرنے رواں ماہ کے آخرتک کسی بڑی موسمی سرگرمی سے انکار کرتے ہوئے 16سے22فروری تک جموں وکشمیرکے مختلف علاقوںمیں الگ الگ دن اور اوقات پر ہلکی بارش وبرفباری کا امکان ہے ۔جے کے این ایس کوملی تفصیلات کے مطابق بدھ اور جمعرات کی درمیانی رات درجہ حرارت میں بھاری گراﺅٹ کے بعد جمعرات اور جمعتہ المبارک کی درمیانی شب کشمیرکے اکثر میدانی اوربالائی علاقوںمیں درجہ حرارت میں معمولی بہتری ریکارڈکی گئی ۔موسمیاتی مرکز سری نگرکی جانب سے فراہم کردہ اعدادوشمار کے مطابق جمعرات اور جمعتہ المبارک کی درمیانی سری نگرمیں کم ازکم درجہ حرارت منفی 1.3ڈگری سینٹی گریڈ درج ہوا جبکہ قاضی گنڈمیں منفی 2.4، پہلگام میں منفی 4.5، کپوارہ میں منفی 3.0، گلمرگ میں منفی 3.6، بارہمولہ میں منفی1.5، بانڈی پورہ میں منفی 2.4، پلوامہ میں منفی3.8، شوپیان میں منفی 4.3، کولگام میں منفی 2.2، گاندربل میں منفی 1.3،اورسونہ مرگ میں رات کاکم سے کم پارہ منفی 7.7ڈگری سینٹی گریڈ درج ہوا۔اس دوران جمعہ کے روز صبح کے وقت دھوپ نکلی لیکن دوپہر سے سری نگر کے علاوہ شمالی وجنوب بیشتر مقامات پر بعدازاں دن بھردھوپ چھاﺅںکا کھیل جاری رہا۔اُدھر موسمیاتی مرکز سری نگرنے تازہ موسم کاری جاری کرتے ہوئے دعویٰ کیاکہ 18فروری تک موسم میں کسی اہم سرگرمی کاامکان نہیں ہے جبکہ15فروری کو موسم عام طور پرخشک رہنے کے بعد16فروری کوشمالی اور وسطی کشمیر کے الگ تھلگ اونچے علاقوں میں شام یا رات کے وقت ہلکی بارش وبرف باری متوقع ہے۔موسمیاتی مرکز سری نگرکے مطابق17اور18فروری کو جزوی طور پرمطلع ابر آلود رہنے کے ساتھ الگ تھلگ اونچے مقامات پر ہلکی بارش وبرفباری کا امکان ہے جبکہ 19فروری کوشام یادیررات سے20فروری کی دوپہرتک بکھرے ہوئے مقامات پر ہلکی بارش اوربرف باری کی توقع ہے اور 21و22فروری کو بھی الگ تھلگ مقامات پر ہلکی بارش وبرفباری کا امکان ہے۔