ایل جی سنہا نے جموں میں اعلیٰ سطحی سیکورٹی میٹنگ کی صدارت کی

 جموں /کشمیر میں اعلیٰ سطحی سیکورٹی میٹنگ کے ایک دن بعد جموں میں ایک اور میٹنگ جاری ہے جس میں خطے کی سیکورٹی صورتحال کا جائزہ لیا جا رہا ہے۔ ذرائع نے بتایا کہ میٹنگ کی صدارت لیفٹیننٹ گورنر منوج سنہا کررہے ہیں۔ذرائع نے بتایا کہ میٹنگ میں جموں میں پولیس، فوج، سی آر پی ایف کے اعلیٰ افسران اور مختلف دیگر سیکورٹی ایجنسیاں شرکت کر رہی ہیں۔انہوں نے کہا کہ میٹنگ کا محور امن و امان، سیکورٹی کی صورتحال، لائن آف کنٹرول پر دراندازی سمیت دیگر امور کا جائزہ لینا ہے۔بدھ کے روز، لیفٹیننٹ گورنر منوج سنہا نے کشمیر کے علاقے میں سیکورٹی کی صورتحال کا جائزہ لینے کے لیے سری نگر کے پولیس کنٹرول روم میں اسی طرح کی سیکورٹی جائزہ میٹنگ کی صدارت کی۔یہ میٹنگ اسی طرح کی بیک ٹو بیک میٹنگوں کے پس منظر میں ہوئی ہے جس کی صدارت وزیر داخلہ امیت شاہ نے گزشتہ ہفتے دہلی میں کی تھی