سال 2024: جموں وکشمیر میں مختلف آپریشنز کے دوران 75 ملی ٹنٹ ہلاک

جموں/ جموں وکشمیر میں سال 2024 کے دوران مختلف آپریشنز میں 75 ملی ٹنٹ مارے گئے جن میں سے بیشتر ملی ٹنٹ غیر ملکی تھے ۔سرکاری ذرائع نے بتایا کہ انسداد بغاوت کی مختلف کارروائیوں میں سکیورٹی فورسز نے سال 2024 کے دوران 45 پاکستانیوں سمیت 75 ملی ٹنٹوں کو ہلاک کیا ہے ۔انہوں نے کہا: ‘پاکستان کے زیر اہتمام دہشت گرد گروہوں میں دہشت گردوں کی مقامی بھرتی تقریباً صفر ہے اور اس سال 75 دہشت گرد مارے گئے ہیں جن میں سے 45 پاکستانی باشندے تھے ‘۔ان کا کہنا ہے : ‘کل 75 میں سے 17 دہشت گرد لائن آف کنٹرول (ایل او سی) اور بین الاقوامی سرحد (آئی بی) سے دراندازی کی کوشش کرتے ہوئے مارے گئے ‘۔سرکاری اعداد و شمار کے مطابق سب زیادہ 14 پاکستانی ملی ٹنٹ شمالی کشمیر کے ضلع بارہمولہ میں 9 انکاﺅٹرز میں مارے گئے ۔حکام کا کہنا ہے : ‘ہمسایہ ملک پاکستان دہشت گردوں کو جموں و کشمیر میں دھکیلنے کی تمام کوششیں کر رہا ہے لیکن سیکورٹی فورسز نے ان کے تمام مذموم عزائم کو ناکام بنا دیا ہے ‘۔انہوں نے کہا: ‘سال 2024 میں جنوری اور دسمبر کے درمیان سیکورٹی فورسز نے جموں و کشمیر میں دراندازی کی کوششوں کو ناکام بنانے کے علاوہ مختلف مقابلوں اور کارروائیوں میں 75 دہشت گردوں کو بے اثر کیا ہےی-