کولگام سڑک حادثے میں دو افراد المناک طور پر اپنی جان سے ہاتھ دھو بیٹھے

کولگام، 13 دسمبر: کولگام کے پمبے علاقے میںکل رات ایک المناک سڑک حادثہ پیش آیا، جس میں دو افراد اپنی جان سے ہاتھ دھو بیٹھے۔ حادثہ اس وقت پیش آیا جب ایک تیز رفتار ٹرک کنٹرول کھو بیٹھا اور ڈرائیور توازن برقرار نہ رکھ سکا۔ مقامی پولیس اور رہائشیوں نے فوری طور پر ریسکیو آپریشن شروع کیا، لوگوں کی مدد سے جائے حادثہ سے زخموں کو نکالنے نکال کر اسپتال منتقل کیا ۔

وائس آف انڈیا کے نمائندے ایجاذ ایتو کے مطابق کافی کوششوں کے باوجود دونوں افراد زخموں کی تاب نہ لاتے ہوئے دم توڑ گئے۔ جاں بحق ہونے والوں کی شناخت ریاض احمد راتھر عمر 34 سال ولد محمد رجب راتھر اور مختار احمد ایتو عمر 28 سال ولد محمد رجب ایتو کے نام سے ہوئی ہے۔ دونوں گوپال پورہ کولگام کے رہنے والے تھے۔

پولیس نے واقعے کی تحقیقات شروع کر دی ہیں، مزید تفصیلات صورتحال کے بڑھنے پر فراہم کی جائیں گی