لیفٹیننٹ گورنر منوج سنہا نے  محکمہ داخلہ کے جائزہ اجلاس کی صدارت کی

  سرینگر۔/ جموںو کشمیر کے لیفٹیننٹ گورنر منوج سنہا نے آج راج بھون میں محکمہ داخلہ کے کام کاج کا جائزہ لینے کے لیے ایک اعلیٰ سطحی میٹنگ کی صدارت کی۔چیف سکریٹری، شری اتل ڈلو؛ پرنسپل سکریٹری، ہوم، شری چندرکر بھارتی؛ ڈی جی پی شری نلین پربھات؛ ڈی جی پی جیل خانہ جات، شری دیپک کمار، لیفٹیننٹ گورنر کے پرنسپل سکریٹری، ڈاکٹر مندیپ کے بھنڈاری؛ آئی جی پی کشمیر، شری ودھی کمار بردی اور جموں و کشمیر پولیس کے دیگر سینئر افسران بھی میٹنگ   میں موجود تھے۔چیئر کو سیکورٹی سے متعلق اخراجات، افرادی قوت کی پوزیشننگ، انفراسٹرکچر ورکس، اور ہوم اور ماتحت محکموں بشمول  جموںو کشمیر پولیس، جیل خانہ جات، فائر اینڈ ایمرجنسی سروسز، ہوم گارڈز، ایس ڈی  آر ایف، پراسیکیوشن اور فرانزک سائنسز کے دیگر اہم امور کے بارے میں بریفنگ دی گئی۔لیفٹیننٹ گورنر نے سیکورٹی اور امن و امان سے متعلق چیلنجوں سے مؤثر طریقے سے نمٹنے کے لیے پولیس اور اس سے منسلک اداروں کو جدید اور مضبوط بنانے پر زور دیا۔ انہوں نے مزید ہدایت کی کہ  ایس آر ای اور   پی ایم ڈی پی کے تحت تمام پراجیکٹس کو مقررہ مدت میں مکمل کیا جائے۔میٹنگ میں موثر جیل مینجمنٹ، انسانی وسائل اور اندرونی سلامتی اور فوجداری نظام انصاف سے متعلق دیگر امور پر بھی تبادلہ خیال کیا گیا۔