جموں/قومی تحقیقاتی ایجنسی(این آئی اے) نے جمعرات کو جموں کے پانچ اضلاع میں آٹھ مقامات پر دراندازی اور سیکورٹی فورسز و عام شہریوں پر حالیہ حملوں سے متعلق کیس کے سلسلے میں چھاپے مارے جس دوران مختلف مواد کو برآمد کرکے ضبط کیا گیا۔
ٰٓاین آئی اے کی ٹیموں نے جموں وکشمیر کے ریاسی، ادھم پور ، ڈوڈہ، رام بن اور کشتواڑ اضلاع میں آٹھ مقامات پر وسیع پیمانے پر تلاشی لی۔
این آئی اے کے ایک ترجمان نے بتایا کہ جمعرات کی صبح قومی تحقیقاتی ایجنسی نے جموں کے آٹھ مقامات پر چھاپے مارے۔
انہوں نے کہاکہ تلاشی آپریشن کے دوران ضبط کئے گئے مواد سے منکشف ہوا کہ کالعدم تنظیموں سے وابستہ دہشت گردوں، بالائی ورکروں اور ہابرڈ دہشت گردوں کے درمیان گہرے روابط ہیں۔
موصوف ترجمان کے مطابق آج جن مشتبہ دہشت گردوں اور بالائی ورکروں کے احاطے کھنگالے گئے ان کا نئی تشکیل شدہ ذیلی تنظیموں کے ساتھ گڑھ جوڑ ہیں۔
این آئی نے وزارت داخلہ کی ہدایت پر 24اکتوبرکے روز ایک کیس زیر نمبر 4/24درج کرکے تحقیقات شروع کی۔ یہ کیس لشکر طیبہ ، جیش سے تعلق رکھنے والے فعال دہشت گردوں کی بین الاقوامی سرحد اور ایل او سی پر دراندازی سے متعلق معلومات پر درج کیا گیا۔
دراندازی کے ذریعے اس طرف آنے والے دہشت گردوں کو بالائی ورکروں اور سہولیت کاروں کی جانب سے منطقی(کھانے پینے کی اشیاء، رہائشی سہولیات اور پیسے فراہم کرنا وغیرہ شامل ہیں) فراہم کی گئی۔
این آئی اے کے مطابق اس سلسلے میں مزید تحقیقات جاری ہے۔
