آزاد تجارتی معاہدے پر بات چیت کرتے وقت ہندوستان مساوات، توازن اور منصفانہ تجارت کا  متلاشی ہے۔یوش گوئل

  ممبئی۔/۔تجارت اور صنعت کے مرکزی وزیر جناب پیوش گوئل نے آج ممبئی میں 27ویں سی آئی ٹی آئی سی   ، سی ایل ایس اے انڈیا فورم میں اپنی کلیدی  خطبے کے دوران کہا کہ ہندوستان آزاد تجارت کے معاہدے پر بات چیت کرتے وقت مساوات، توازن اور منصفانہ تجارت کا متلاشی ہے۔ انہوں نے زور دے کر کہا کہ ہندوستان ان ممالک کے ساتھ ایف ٹی اے میں  شمولیت  اختیار کرتا ہے، جو شفاف، کھلے  ہوں  اور جہاں حکومتوں کے معاشی نظام ہندوستان کے ساتھ ہم آہنگ ہوں ۔جناب گوئل نے زور دے کر کہا کہ شہریوں کی بنیادی سہولتوں کی تکمیل گزشتہ دہائی سے حکومت کی ترجیح رہی ہے کہ ہندوستانیوں کو بڑی امنگوں کے لیے بااختیار بنایا جائے اور  اس بات کو یقینی بنایا جائے کہ ہندوستان،  وزیر اعظم جناب نریندر مودی کی قیادت میں جمہوریت، آبادیاتی ڈیویڈنڈ، ڈیمانڈ اور فیصلہ کن قیادت کے 4ڈی  فائدہ کا استعمال کرے۔ فورم کے شرکا سے ملک میں سرمایہ کاری جاری رکھنے کی اپیل کرتے ہوئے، انہوں نے  کہا  کہ ہندوستان 2047 تک وکست بھارت کی طرف بڑھتے ہوئے بہت  سے مواقع  فراہم کرتا ہے  اور اس کو  دنیا کے لیے بہترین کاروباری مقام بناتا ہے۔ملک میں ہنرمندی کی ترقی سے متعلق ایک سوال کا جواب  دیتے ہوئے، وزیر موصوف نے کہا کہ وزیر اعظم نریندر مودی کی قیادت والی حکومت نے بجٹ 2024 میں 30 بلین ڈالر کی پانچ اسکیموں کا اعلان کیا ہے۔ آنے والے سالوں میں، حکومت کی توجہ نوجوانوں کو ان کی  خواہشات کے مطابق  اپنی  رسمی  تعلیم جاری رکھنے اور اپنے انتخاب کے  پیشے  کی طرف بڑھنے  پر مرکوز رہے گی۔  انہوں نے کہا کہ ہنر مندی کی ترقی میں سی ایس آر کے اخراجات آنے والے سالوں میں بھی پیش رفت کو بڑھا دے گا۔