2035 تک بھارت کا اپنا خلائی اسٹیشن ہوگا ۔ جتیندر سنگھ

نئی دہلی/ سائنس اور ٹیکنالوجی کے مرکزی وزیر مملکت (آزادانہ چارج( جتیندر سنگھ نے ہفتہ کو اعلان کیا کہ ہندوستان سال 2035 تک اپنا خلائی اسٹیشن قائم کر لے گا اور اسے "بھارتیہ انترکش اسٹیشن” کے نام سے جانا جائے گا۔اسرو اور بایو ٹکنالوجی کے محکمے کی ایم او یو پر دستخط کی تقریب میں جتیندر سنگھ نے کہا، 2035 تک ہندوستان کا اپنا خلائی اسٹیشن ہوگا، جسے بھارتیہ انترکش اسٹیشن کے نام سے جانا جائے گا۔ستمبر کے شروع میں، وزیر اعظم نریندر مودی کی صدارت میں مرکزی کابینہ نے گگنیان پروگرام کے دائرہ کار کو بڑھاتے ہوئے بھارتیہ انترکش اسٹیشن کے پہلے یونٹ کی تعمیر کو منظوری دی تھی۔اسٹیشن کا پہلا ماڈیول 2028 تک لانچ کرنے کا منصوبہ ہے۔کابینہ کی طرف سے بھارتیہ انترکش اسٹیشن (BAS-1) کے پہلے ماڈیول کی ترقی کے لیے منظوری دی گئی ہے اور  بی اے ایس کی تعمیر اور آپریٹنگ کے لیے مختلف ٹیکنالوجیز کو ظاہر کرنے اور ان کی توثیق کرنے کے لیے مشن شروع کیے گئے ہیں۔ وزیر اعظم کے دفتر سے جاری کردہ ایک بیان کے مطابق، بی اے ایس اور پیشگی مشنوں کے لیے نئی پیشرفت، اور جاری گگنیان پروگرام کو پورا کرنے کے لیے اضافی ضروریات کو شامل کرنے کے لیے گگنیان پروگرام کے دائرہ کار اور فنڈنگ پر نظر ثانی کرناشامل ہے۔مرکزی کابینہ نے تین دیگر بڑے خلائی مشنوں جیسے چندریان۔4، وینس آربیٹر مشن (VOM) اور نیکسٹ جنریشن لانچ وہیکل  کو منظوری دی ہے۔