ویڈیو بنانے والے پولیس حراست میں
سرینگر//جھیل ڈل میں شکارہ میں بیٹھے دو افراد سے متعلق وائرل ویڈو پر کارروائی کرتے ہوئے پولیس نے دونوں افراد کو گرفتار کیا ہے جو غیر مہذب حرکت میں ملوث تھے ۔ وائس آف انڈیا کے مطابق وسطی کشمیر کے ضلع سری نگر میں سوشل میڈیا پلیٹ فارمز پر ایک ویڈیو وائرل ہونے کے بعد پولیس نے منگل کو ڈل جھیل کے شکارا میں نشے کی حالت میں دو لوگوں کے خلاف جارحانہ رویے کا مقدمہ درج کیا ہے۔سوشل میڈیا پلیٹ فارم X کے ذریعے مطلع کرتے ہوئے، پولیس نے لکھاکہ سرینگر پولیس نے نشے کی حالت میں ڈل جھیل کے شکارا میں ایک شکارا میں جارحانہ رویے میں ملوث ہونے کی ویڈیو سوشل میڈیا پلیٹ فارمز پر وائرل ہونے کے بعد نوٹس لیا ہے۔ پولیس نے اس ضمن میں مقدمہ ایف آئی آر نمبر 83/2024 کے تحت 295A IPC PS رام منشی باغ میں درج ہے۔دو ملزمان کو گرفتار کر لیا گیا ہے جبکہ مزید ملزمان سے پوچھ گچھ جاری ہے۔ اس معاملے کی مزید تفتیش جاری ہے۔
