ہندوستان اور مالدیپ کے بیچ جائزہ میٹنگ کا انعقاد

  ہندوستانی گرانٹ سے چلنے والے کمیونٹی ڈویلپمنٹ پروجیکٹس کا جائزہ لیا گیا
 نئی دلی/مالدیپ میں ہندوستانی ہائی کمشنر منو مہاور اور احمد نصیر، سفیر، مالدیپ کی وزارت خارجہ، نے مالدیپ میں ہندوستانی گرانٹ سے چلنے والے کمیونٹی ڈویلپمنٹ پروجیکٹوں کی پیشرفت اور اثرات کا جائزہ لینے کے لیے ہندوستان مالدیپ جائزہ اجلاس کی مشترکہ صدارت کی۔  ہندوستان  مالدیپ میں  360 ملین  ایم ویآر کے 65 ایسے پروجیکٹوں کے نفاذ میں تعاون کر رہا ہے۔ کمیونٹی ڈویلپمنٹ پروجیکٹوں کے علاوہ، ہندوستان نے مالدیپ کے وزیر خارجہ موسی ضمیر کی درخواست کا جواب دیتے ہوئے، ایک اضافی سال کے لیے  50 ملین امریکی ڈالر ٹریژری بل کے رول اوور کی شکل میں مالدیپ کو بجٹ میں مدد فراہم کی ہے۔  سبسکرپشن کی یہ توسیع مالدیپ کی حکومت کی خصوصی درخواست پر کی گئی ہے تاکہ ہندوستان سے بجٹ میں مدد حاصل کی جا سکے۔ مالدیپ کے وزیر خارجہ موسا ضمیر نے ہندوستانی وزیر خارجہ ایس جے شنکر اور ہندوستان کی حکومت کی مسلسل حمایت کے لئے اظہار تشکر کیا، اسے خیر سگالی کے ایک اشارے کے طور پر بیان کیا جو مالدیپ اور ہندوستان کے درمیان مضبوط اور پائیدار دوستی کی علامت ہے۔