وادی میں موسم کی ابتر صورتحال جاری ، درجہ حرارت میں گراوٹ

سوموار کو بھی میدانی علاقوں میں بارشیں اور پہاڑی علاقوں میں تازہ برفباری
سرینگر/جموں کشمیر میں مغربی ہواﺅں کے اثر انداز ہونے کے بعد وادی کشمیر میں سوموار کو بھی بالائی علاقوں میں تازہ برفباری ہوئی جبکہ سرینگر سمیت میدانی علاقوں میں بارشیوں کا سلسلہ وقفے وقفے سے جاری ہے جس کی وجہ سے درجہ حرارت میں بتدریج گراوٹ درج ہورہی ہے ۔ ادھر محکمہ موسمیات کی پیش گوئی کے مطابق 18اپریل تک موسم کی صورتحال میں کوئی خاص بہتری آئے گی ۔ وائس آف انڈیا کے مطابق سرینگر سمیت وادی کے دیگر اضلاع میں سنیچر وار سے بارشیں جاری ہے اور سوموار کو بھی سرینگر سمیت وادی کے دیگر اضلاع میں بارشیں وقفے وقفے سے جارہی رہیں اور مطلع ابرآلود رہا جبکہ ، سونہ مرگ اور گلمرگ ، پہلگام اور دیگر بالائی علاقوں ہلکی برفباری ہوئی ہے جس کی وجہ سے وادی میں دن او ررات کے درجے حرارت میں کمی واقع ہوئی ہے ۔ ادھر جموں و کشمیر ڈیزاسٹر مینجمنٹ اتھارٹی (جے کے ڈی ایم اے) نے اتوار کو اگلے 24 گھنٹوں کے دوران وادی کشمیر کے متعدداضلاع کے بالائی علاقوں میں برفانی تودے گرنے کی وارننگ جاری کی۔محکمہ موسمیات نے کہا ہے کہ اگلے 24 گھنٹوں میں شمالی کشمیر کے ضلع کپواڑہ اور وسطی کشمیر کے گاندربل اضلاع میں 2400 میٹر سے اوپر "درمیانے خطرے” کی سطح کے ساتھ برفانی تودہ گرنے کا امکان ہے۔ان علاقوں میں رہنے والے لوگوں کو مشورہ دیا گیا ہے کہ وہ احتیاطی تدابیر اختیار کریں اور اگلے احکامات تک برفانی تودے کے شکار علاقوں میں جانے سے گریز کریں۔وادی کشمیر میں گزشتہ 24 گھنٹوں کے دوران بڑے پیمانے پر بارش ہوئی اور کچھ بالائی علاقوں میں تازہ برف باری بھی ہوئی جس سے حکام نے لوگوں کے لیے احتیاطی اقدام کے طور پر برفانی تودے کی تازہ وارننگ جاری کی۔حکام نے ان اضلاع میں رہنے والے لوگوں سے بھی کہا ہے کہ وہ کسی بھی ہنگامی صورتحال میں مدد کے لیے 112 ڈائل کریں۔ادھر محکمہ موسمیات نے پیش گوئی کی ہے کہ 18اپریل تک موسم کی صورتحال میں کوئی خاص بہتری نہیں آئے گی اور بارش کا سلسلہ وقفے وقفے سے جاری رہے گا۔ادھر دوسری جانب پونچھ-راجوری کو شوپیاں سے ملانے والی مغل روڈ برف باری کے باعث اگلے احکامات تک بند کر دی گئی۔ ضلع کشتواڑ میں دن بھر بارش ہوتی رہی۔ سنتھن ٹاپ کے ساتھ پہاڑی علاقوں میں برف باری ہوئی ہے۔ کشتواڑ-اننت ناگ ہائی وے کو بند کر دیا گیا، تاکہ سنتھن ٹاپ پر برف کے درمیان کوئی گاڑی یا مسافر پھنس نہ جائے۔دریں اثناءآج سوموار کو بھی وادی بھر میں مطلع ابرآلود رہا اور شدید بارشیں ہوئیں جس کی وجہ سے درجہ حرارت میں مزید گراوٹ درج کی گئی ۔