متاثرہ کنبوں کے حق میں فی کس ایک ایک کنال اراضی دینے کا بھی سرکاری افسران کو ہدایت دی
سرینگر/03مارچ/جموں و کشمیر کے لیفٹیننٹ گورنر نے اتوار کو پونچھ میں مارے گئے تین شہریوں کے اہل خانہ کو ملازمت کے تقرری نامے سونپے۔ اس کے علاوہ گھر کی تعمیر کے لیے ایک ایک کنال اراضی بھی خاندانوں کے حوالے کرنے کے احکامات جاری کیے گئے۔ گزشتہ سال دسمبر میں ضلع پونچھ میں دہشت گردوں کے حملے کے بعد مبینہ طور پر تین شہری حراست میں ہلاک ہو گئے تھے۔وائس آف انڈیا کے مطابق لیفٹیننٹ گورنر منوج سنہا نے اتوار کے روز پونچھ میں اُن تین مہلوکین کے ورثاءکو سرکاری نوکری کے سلسلے میں تقرری نامے سونپے ۔ ایل جی نے متاثرین کنبوں افراد کے یہ تقرری نامے فراہم کرنے کے علاوہ فی کنبہ ایک ایک کنال اراضی دینے کےلئے بھی ہدایت جاری کی ۔ اس سے قبل بھی لیفٹیننٹ گورنر نے مہلوک افراد کے گھر جاکر ان کی ڈھارس بندھائی تھی اور انتظامیہ کی جانب سے ہر ممکن مدد فراہم کرنے کا یقین دلایا تھا ۔ واضح رہے کہ گزشتہ برس ماہ دسمبر میں 21 دسمبر 2023 کو دہشت گردوں نے ڈیرہ کی گلی اور بفلیاز کے درمیان دھتیار موڑ پر فوج کی دو گاڑیوں پر گھات لگا کر حملہ کیا تھا جس میں چار فوجیوں نے اپنی جانیں گنوائی تھیں اور تین دیگر زخمی ہوئے تھے۔ اس کے بعد تین محفوظ احمد (43)، محمد شوکت علی (27) اور شبیر احمد (32) کو پوچھ گچھ کے لیے اٹھایا گیا اور اگلے دن نزدیکی علاقے میں پُر اسرار طور پر مردہ پائے گئے۔اور23 فروری کو جموں و کشمیر انتظامیہ نے ہلاک ہونے والے شہریوں کے اہل خانہ کے لیے معاوضے اور نوکریوں کا اعلان کیا تھا۔اس ضمن میںترجمان نے کہا کہ لیفٹیننٹ گورنر نے SRO-43 کے تحت پونچھ میں مارے گئے شہریوں کے اہل خانہ کو تقرری کے احکامات سونپے۔انہوں نے کہا کہ تقرری کے احکامات محفوظ احمد کی اہلیہ زرینہ بیگم، شوکت علی کے بھائی محمد رزاق اور شبیر احمد کے بھائی محمد کبیر کے حوالے کیے گئے ہیں۔ تینوں سورنکوٹ کے علاقے بفلیاج کے ایک گاو ¿ں کے رہائشی ہیں۔ترجمان نے کہا کہ لیفٹیننٹ گورنر نے خاندان کے افراد کو مستقبل میں اپنی انتظامیہ کی طرف سے ہر ممکن مدد کی یقین دہانی کرائی۔ اس موقع پر پونچھ کے ڈپٹی کمشنر چوہدری محمد یاسین بھی موجود تھے۔جنوری میں فوج نے مرنے والے شہریوں کے گاو ¿ں ٹوپا پیر کو ایک بڑے آو ¿ٹ ریچ اقدام کے حصے کے طور پر اسے ایک ماڈل گاو ¿ں میں تبدیل کرنے کے اپنے فیصلے کا اعلان کیا۔آرمی چیف منوج پانڈے اور لیفٹیننٹ گورنر سنہا کے ساتھ وزیر دفاع راج ناتھ سنگھ نے گزشتہ سال 27 دسمبر کو راجوری ضلع کے دورے کے دوران مارے گئے شہریوں کے اہل خانہ سے ملاقات کی تھی اور انصاف کی یقین دہانی کرائی تھی۔