ہندوستانی فوج کے دستے کی نمائندگی پیرا شوٹ رجمنٹ (اسپیشل فورسز) کادستہ کر رہا ہے
شملہ، 22 جنوری/ ہماچل پردیش کے بکلوہ میں واقع اسپیشل فورس ٹریننگ اسکول میں ہندوستان، کرغزستان مشترکہ اسپیشل فورسز مشق خنجر کے 11ویں ایڈیشن کا آج آغاز ہوگیا ہے۔ یہ مشق 22 جنوری سے 3 فروری 2024 تک منعقد کی جائے گی۔ یہ ایک سالانہ تقریب ہے جو متبادل طور پر دونوں ممالک میں منعقد کی جاتی ہے۔ 20اہلکاروں پر مشتمل ہندوستانی فوج کے دستے کی نمائندگی پیرا شوٹ رجمنٹ (اسپیشل فورسز) کادستہ کر رہا ہے اور 20 اہلکاروں پر مشتمل کرغزستان کے دستے کی نمائندگی اسکارپین بریگیڈ کر رہی ہے۔ اس مشق کا مقصد اقوام متحدہ کے چارٹر کے باب سات کے تحت بلٹ اپ ایریا اور پہاڑی علاقوں میں انسداد دہشت گردی اور اسپیشل فورسز کے آپریشنز میں تجربات اور بہترین طریقوں کا تبادلہ کرنا ہے ۔ اس مشق میں اسپیشل فورسز کی مہارتوں، داخل کرنے اور نکالنے کی جدید تکنیکوں کو فروغ دینے پر زور دیا جائے گا۔یہ مشق بین الاقوامی دہشت گردی اور انتہا پسندی کے مشترکہ خدشات کو دور کرتے ہوئے دفاعی تعلقات کو مضبوط بنانے کا موقع فراہم کرے گی۔ یہ مشق مشترکہ سیکورٹی مقاصد کے حصول اور دوطرفہ تعلقات کو فروغ دینے کے علاوہ جدید ترین دیسی دفاعی آلات کی صلاحیتوں کو ظاہر کرنے کا بھی موقع فراہم کرے گی۔
