ایل جی منوج سنہا نے پونچھ کے مہلوک حولدار کے گھر جاکر سوگوار کنبہ سے ملاقات کی اور انہیں ہر ممکن مدد کا یقین دلایا
سرینگر//جموںکشمیر کے لیفٹیننٹ گورنر منوج سنہا نے ایک بار پھر اس عزم کودوہرایا کہ جموںکشمیر کو ”دہشت گردی “ اور اعلیحدگی پسندی کی حمایت کرنے والوں کے خلاف سخت کارروائی عمل میںلائی جائے گی ۔ انہوںنے پونچھ کے حولدارجوکہ راجوری انکاونٹر میں ازجان ہوئے تھے کے اہلخانہ کے ساتھ ملاقات کے دوران کہاکہ جموںکشمیر میں امن و انون کی بالادستی قائم کرنے کےلئے فوج ،پولیس اور فورسز نے جو قربانیاں دی ہیں وہ ہمیشہ یادرکھی جائیں گی ۔اس موقعے پر ایل جی نے سوگوار خاندان سے تعزیت کی اور حکومت کی طرف سے خاندان کو ہر طرح کی مدد اور تعاون کا یقین دلایا۔وائس آف انڈیاکے مطابق جموں کشمیر کے لیفٹیننٹ گورنرمنوج سنہا نے کہا ہے کہ جموں کشمیر میں امن کو بگاڑنے کی اجازت نہیں دی جائے گی ۔ انہوںنے بتایا کہ جو بھی ”دہشت گردی “ کو پروان چڑھانے کی کوشش میں ملوث پایا جائے گا اس کے خلاف سخت کارروائی ہوگی ۔ لیفٹیننٹ گورنر نے سوشل بلاگنگ پلیٹ فارم ایکس پر لکھا کہ "پونچھ میںحولدار عبدالمجید کے گھر گئے، جو راجوری میں انسداد دہشت گردی آپریشن کے دوران ازجان ہوئے تھے اور سوگوار خاندان کے ساتھ اپنی تعزیت پیش کی۔ ان کے خاندان کی مادر وطن کی خدمت اور قربانیوں کی طویل تاریخ ہے۔ پوری قوم کو ان کی بہادری اور جرات پر فخر ہے۔اس موقعے پر ایل جی نے کہاکہ میں دہشت گردی کے ماحولیاتی نظام کا صفایا کرنے کے لیے منصوبہ بند انسداد دہشت گردی کی کارروائیوں کے لیے ہماری فوج، جموںکشمیر پولیس اور سی آر پی ایف کی تعریف کرتا ہوں۔ ہم دہشت گردی کے ماحولیاتی نظام اور دہشت گردوں کی مدد کرنے اور ان کی حوصلہ افزائی کرنے والوں کے خلاف اپنی کارروائیوں کو تیز کریں گے اور اس بات کو یقینی بنائیں گے کہ وہ اپنے گھناو ¿نے اقدامات کی بھاری قیمت ادا کریں۔انہوں نے بتایا کہ جموںکشمیر آج ایک الگ ہی ماحول کا مشاہدہ کررہا ہے اورہم اس خوشحالی کے دور اور امن کی صورتحال کو بگاڑنے کی کسی کو اجازت نہیں دے سکتے ۔ لیفٹیننٹ گورنر نے گاو ¿ں اور آس پاس کے علاقوں کے سابق فوجیوں سے بھی ملاقات کی اور ان کی سرکار کی طرف سے ہر ممکن مدد کی یقین دہانی بھی کرائی ۔
