پیوش گوئل سعودی عرب کے ریاض میں 7ویں ’فیوچر انویسٹمنٹ انیشیئٹیو‘ پروگرام میں شرکت کریں گے
نئی دہلی، 23 اکتوبر (یو این آئی) مرکزی وزیر برائے صنعت و تجارت پیوش گوئل آئندہ 24 سے 25 اکتوبر 2023 کو ریاض(سعودی عرب ) میں فیوچر انویسٹمنٹ انیشیٹو ( ایف آئی آئی) کے 7ویں ایڈیشن میں شرکت کریں گے ۔ تقریب کے دوران مسٹر گوئل نے سعودی عرب کے وزیر توانائی شہزادہ عبدالعزیز بن سلمان السعود سے ملاقات کریں گے ۔ سعودی وزیر تجارت ماجد بن عبداللہ الکسابی، سرمایہ کاری کے وزیر خالد اے ۔ الفالح بندر بن ابراہیم الخروف، صنعت اور معدنی وسائل کے وزیر اور گورنر پبلک انویسٹمنٹ فنڈ ( پی آئی ایف ) یاسر رومیان اور دیگر معززین سے ملاقات کریں گے۔ مسٹر پیوش گوئل سعودی عرب کے وزیر سرمایہ کاری کے ساتھ "خطرے سے مواقع تک: نئی صنعتی پالیسی کے دور میں ابھرتی ہوئی معیشتوں کے لیے حکمت عملی” کے موضوع پر ایک کانفرنس کی شریک صدارت کریں گے ۔ وہ ہندوستانی کمیونٹی کے ساتھ بات چیت کریں گے جو سعودی معیشت کا ایک بااثر حصہ ہے ۔ ان کی دنیا بھر کے کاروباری رہنما¶ں اور ممتاز سی ای اوز سے بھی ملاقات متوقع ہے ۔ کنگڈم آف سعودی عرب ( کے ایس اے ) کے ذریعے شروع کیا گیا ایف آئی آئی انسٹی ٹیوٹ ایک عالمی غیر منافع بخش بنیاد ہے ۔ اس کا مقصد دنیا بھر سے حکومت اور کاروباری رہنما¶ں کو جمع کرنا ہے تاکہ عالمی سطح پر "انسانیت پر اثر” پیدا کرنے کے مقصد کے ساتھ سرمایہ کاری کی نئی راہوں پر تبادلہ خیال کیا جا سکے ۔ اس کے چار اہم شعبوں میں آرٹی فشیئل انٹلئجنس ( اے آئی ) اور روبوٹکس، تعلیم، صحت کی دیکھ بھال اور پائیداری شامل ہیں۔ ایف آئی آئی کے 7ویں ایڈیشن کا تھیم "The New Compass” ہے جو نئے عالمی آرڈر پر مرکوز ہے ۔ اس تقریب میں دنیا کے سرکردہ سرمایہ کاروں، کاروباری رہنما¶ں، پالیسی سازوں، موجدوں اور ریسرچرس کی شرکت متوقع ہے ۔ بعد میں ہونے والی میٹنگوں میں شرکاءخیالات کو ذہن میں رکھنے ، نئی منڈیوں کی تلاش اور اقتصادی ترقی اور خوشحالی کی نئی سرحدوں کو آگے بڑھانے کے لیے اکٹھے ہوں گے ۔ کے ایس اے ہندوستان کے اہم ترین اسٹریٹجک ساجھیداروں میں سے ایک ہے ۔
