سیاحت کے سبھی شعبوں کی ترقی کیلئے حکومت کوشاں

محکمہ سیاحت4 اکتوبر سے پی جی ٹی آئی کے دوسرے ایڈیشن کی میزبانی کرے گا
سرینگر/ دنیا بھر سے سیاحوں کی آمد کو راغب کرنے کے مقصد سے، جموں و کشمیر ٹورازم گالا ایونٹس کا انعقاد کر کے کئی اقدامات کر رہا ہے اور ان اقدامات کے ایک حصے کے طور پر، پانچ روزہ طویل پیشہ ورانہ ہندوستان میں گالف ٹورنامنٹ 4 اکتوبر سے بین الاقوامی معیار کے جموں توی گالف کورس میں منعقد کیا جا رہا ہے۔4 اکتوبر سے شروع ہونے والے اور 8 اکتوبر کو اختتام پذیر ہونے والے اس ٹورنامنٹ میں ملک بھر سے 120 سے زائد گالفرز حصہ لیں گے۔ٹی ای این کے مطابق جموں و کشمیر ٹورازم نے پچھلے سال بھی اس مقام پر پہلے پروفیشنل گالف ٹورنامنٹ ان انڈیا (PGTI) ایونٹ کی میزبانی کی تھی، جو ایک بہت بڑی کامیابی رہی جس کی وجہ سے وہ مسلسل دوسرے سال میزبان بنے۔جموں و کشمیر حکومت کے خصوصی سکریٹری سیاحت امرجیت سنگھ نے ہفتہ کی صبح جموں توی گالف کورس (JTGC) کلب میں ایک پریس کانفرنس میں میڈیا سے بات کرتے ہوئے کہاکہ یہ ہمارے لئے اعزاز کی بات ہے کہ ہم PGTI کے دوسرے ایڈیشن کی میزبانی کر رہے ہیں۔ 4 اکتوبر سے شروع ہو رہا ہے جو 8 اکتوبر کو پرو ایم ایونٹ کے ساتھ اختتام پذیر ہوگا۔انہوں نے کہا کہ اس پر وقار ایونٹ میں قومی اور بین الاقوامی شہرت کے حامل 126 گالفرز شرکت کریں گے۔ان کے ساتھ ڈائرکٹر ٹورازم جموں، وویکانند رائے، سکریٹری، جے ٹی جی سی، مناو گپتا، جوائنٹ ڈائریکٹر، جموں ٹورازم، سنائینا مہتا اور پی جی ٹی آئی کے نمائندے وکاس موجود تھے۔سنگھ نے کہاکہ ٹورنامنٹ نہ صرف مقامی اور ابھرتے ہوئے گالفرز کی صلاحیتوں سے فائدہ اٹھائے گا بلکہ انہیں سیاحت کے شعبے میں تیزی لانے کے لیے ہنر سیکھنے کا موقع بھی فراہم کرے گا۔خصوصی سکریٹری نے کہاکہیہ جموں و کشمیر کے محکمہ سیاحت کے لیے ایک اعزاز سے کم نہیں ہے کہ جے ٹی جی سی ایک بار پھر بین الاقوامی معیار کے اس ٹورنامنٹ کی میزبانی کے لیے پی جی ٹی آئی کے لیے پہلا انتخاب رہا ہے۔انہوں نے کہا کہ ہم جموں خطہ میں زیادہ سے زیادہ سیاحوں کو راغب کرنے کے لیے سیاحت کی مختلف شکلوں کو فروغ دے رہے ہیں جس کے لیے انتظامیہ مناسب اقدامات کر رہی ہے اور گولف ٹورازم پر توجہ مرکوز کرنا ان میں شامل ہے۔