مرکزی وزیر مملکت سنجیو کمار بالیاں کا ضلع سانبہ کا دو روزہ دورہ مکمل

مرکزی وزیر مملکت ماہی پالن ، بھیڑ پالن اور ڈیری ڈاکٹر سنجیو کمار بالیاں نے آج ضلع سانبہ کا دو روزہ دورہ مکمل کیا۔اُنہوں نے دورے کے دوسرے دِن اُتر بھنی میں پرائمری ہیلتھ سینٹر کا اِفتتاح کیا اور اُنہوں نے بھیڑ و بکری پالنے والوں اور مقامی عوامی وفود کے ساتھ تبادلہ خیال کیا ۔اُنہوں نے 6کروڑ روپے کی لاگت سے تعمیر کئے گئے دومنزلہ پرائمری ہیلتھ سینٹر اُتر بھنی کا اِفتتاح کیا جو مقامی آبادی کی طبی صحت ضروریات کو پورا کرے گی۔ پی ایچ سی کا رقبہ 18,700 مربع فٹ ہے جس میں 24 بستروں والے وراڈ ، لیبر روم ، بے بی کیئر یونٹ ، اِی سی جی روم ، او ٹی کمرہ ، ایکسرے روم کے علاوہ رہائشی او رایڈمنسٹریٹیودفاتر بھی دستیاب ہےں۔مرکزی وزیر مملکت نے دورے کے دوران بیر پور کمیونٹی پونڈ میں آتم نر بھر بھارت ابھیان کے ایک حصے کے طور پر پردھان منتری متسیا سمپادا یوجنا( پی ایم ایم ایس وائی)کے تحت مستحقین میں مچھلی بیج تقسیم کئے۔اُنہوں نے کہا کہ پی ایم ایم ایس وائی کے تحت مچھلی کی پیداوار اور پیداواری صلاحیت ، فصل کٹائی کے بعدکا بنیادی ڈھانچہ اور ویلیو چین کو مضبوط بنانا، ایک مضبوط فشریز مینجمنٹ فریم ورک قائم کرنا اور ماہی گیروں کی فلاح و بہبود وغیرہ شامل ہےں۔