پرینکا گاندھی لکھیم پور میں کسانوں کی انتم ارداس میں شامل

پرینکاگاندھی کسانوں کے حق کے لئے لگاتار جدو جہد کر رہی ہیں۔ اسی ضمن میں آج پرینکا گاندھی لکھیم پہنچی اور کسانوں کی انتم ارداس میں شامل ہوئیں۔ واضح ہو کہ لکھیم پور کھیری میں گذشتہ تین اکتوبر کو پیش آئے تشدد کے شکار کسانوں کی انتم ارداس میں شرکت کرنے کے لئے کانگریس جنرل سکریٹری پرینکا گاندھی واڈرا منگل کو لکھیم پور پہنچ گئیں پرینکا گاندھی صبح تقریبا ساڑھے آٹھ بجے دہلی سے لکھنو¿ ائیر پورٹ پہنچی تھیں جہاں سے ان کا قافلہ لکھیم پور کے لئے روانہ ہوا۔سیتا پور ٹول پلازہ پر کانگریس جنرل سکریٹری کے بھاری بھرکم قافلے کو سیکورٹی فورسز نے کووڈ پروٹوکول کا حوالہ دیتے ہوئے روکنے کی کوشش بھی کی جس کے سلسلے میں کانگریس کارکنوں اور پولیس کے درمیان نونک جھونک ہوئی۔ آخر کار قافلے میں شامل کچھ گاڑیوں کو روک کر قافلہ آگے کے لئے روانہ کردیا گیا۔ پرینکا کے قافلے میں ریاستی کانگریس صدر وجئے کمار للو، رکن پارلیمان دیپیندر ہڈا، نیشنل سکریٹری دھیرج گرجر بھی شامل ہیں۔تکونیا گاو¿ں میں ایک میدان میں انتم ارداس کی تیاری کی گئی ہے جس کی باغ ڈور کسان لیڈر راکیش ٹکیٹ نے سنبھالی ہوئی ہے۔ آخری ارداس تقریب کے پیش نظر لکھیم پور کھیری میں سیکورٹی کے پختہ انتظامات کئے گئے ہیں۔