سرینگر میں نگین جھیل سے معمر شخص کی لاش برآمد

پلوامہ میں سڑک کے حادثے میں تین افراد زخمی
سرینگر/سرینگر کے نگین جھیل میںمنگل کے روز بٹہ مالو کے ایک 58سالہ شہری کی لاش برآمد ملی ہے جبکہ پلوامہ میں سڑک کے ایک حادثے میں تین افراد زخمی ہوئے ہیں۔ سی این آئی کے مطابق منگل کی سہ پہر سری نگر کے پوکھریبل علاقے کے قریب نگین جھیل سے ایک معمر شخص کی لاش برآمد ہوئی۔انہوں نے بتایا کہ لاش کو کچھ مقامی لوگوں نے دیکھا، جنہوں نے بعد میں پولیس کو اطلاع دی۔انہوں نے بتایا کہ پولیس کے ساتھ ریسکیو ٹیم موقع پر پہنچی اور لاش کو نکال لیا۔مہلوک کی شناخت نثار احمد قریشی ولد محمد یوسف قریشی ساکن بٹہ مالو کے طور پر ہوئی ہے۔ادھر جنوبی کشمیر کے پلوامہ ضلع کے آریگام علاقے میں منگل کو ایک سڑک حادثے میں تین افراد زخمی ہو گئے۔ذرائع نے بتایا کہ حادثہ آٹو بیئرنگ رجسٹریشن نمبر JK13D 0194 اور بائیک بیئرنگ رجسٹریشن نمبر PB06R 0581 کے کھمبڑی چوک اریگام کے قریب آپس میں ٹکرانے کے بعد پیش آیا جس کے نتیجے میں تین افراد زخمی ہوگئے۔اس نے ان کی شناخت عاقب احمد ولد غلام احمد ساکنہ کنگن پلوامہ کے سر پر چوٹ، پون کمار ولد امر داس ساکنہ پنجاب کے چہرے پر چوٹیں اور بائیں بازو پر سطحی چوٹ اور عبدالمجید ولد عبدالشکور ساکن سہارنپور یو پی کے طور پر کی ہے۔ دونوں بازوو¿ں پر چوٹیں آئی ہیں۔تاہم تمام زخمیوں کو علاج کے لیے ضلع اسپتال پلوامہ پہنچایا گیا۔اس سلسلے میں پولیس نے مقدمہ درج کر کے تفتیش شروع کر دی ہے۔