پولیس محکمہ میں جعلی تقرریوں کا معاملہ :کرائم برانچ کشمیر کی 19 ملزموں کے خلاف چارج شیٹ پیش

سری نگر/ کرائم برانچ کشمیر (سی بی کے) کی اقتصادی جرائم ونگ سری نگر نے محکمہ پولیس میں جعلی تقرریوں کے متعلق ایک کیس کے سلسلے میں 19 ملزموں کے خلاف چارج شیٹ پیش کی۔سی بی کے کے ایک ترجمان نے اپنے ایک بیان میں کہا کہ اقتصادی جرائم ونگ سری نگر (کرائم برانچ کشمیر) نے عدالت برائے پیسنجر ٹیکس کے سامنے سال 2015 کے ایف آئی آر زیر نمبر 48 میں 19 ملزموں کے خلاف چارج شیٹ پیش کی جو آر پی سی کے دفعات 420، 468، 120B کے تحت قابل سزا جرائم میں ملوث ہیں۔انہوں نے کہا: ‘کرائم برانچ کشمیر کو ایک شکایت موصول ہوئی تھی جس میں الزام لگایا گیا تھا کہ جموں وکشمیر پو؛لیس (ضلع سری نگر) میں فرضی تقرری کے احکامات پر کچھ افراد کی تقرری عمل میں لائی گئی ہے’۔بیان میں کہا گیا کہ شکایت موصول ہونے پر پولیس اسٹیشن کرائم برانچ کشمیر (اب اقتصادی جرائم ونگ سری نگر) میں سال 2015 میں ایک کیس درج کرکے تحقیقات شروع کی گئی تھیں۔موصوف ترجمان اپنے بیان میں کہا: ‘تحقیقات کے دوران یہ بات ثابت ہوئی کہ تقرری کے احکامات قواعد و ضوابط کی خلاف کرکے اور ریکارڈ وغیرہ میں ہیرا پھیری کرکے جاری کئے گئے تھے’۔انہوں نے کہا: ‘ملزمان کی طرف سے مذکورہ بالا کارروائیاں دھوکہ دہی، فراڈ اور جعلسازی طے پائی ہے جو آر پی سی کی دفعات 420، 468، 120B اور 201 کے تحت قابل سزا جرائم ہیں’۔ان کا کہنا تھا کہ اس طرح 19 ملزمان کے خلاف جرائم ثابت ہونے پر تحقیقات بند کر دی گئی اور ان کے خلاف عدالت کے سامنے چارج شیٹ پیش کی گئی۔