کورونا انفیکشن کے نئے معاملے دو ہزار سے بھی کم

نئی دہلی/ ملک میں گزشتہ 24 گھنٹوں میں کورونا انفیکشن کے دو ہزار سے بھی کم معاملے سامنے آئے ہیں اور اسی عرصے میں 12 مریضوں کی موت ہو گئی ہے ۔اس دوران ملک میں کورونا ویکسینیشن کا عمل بھی جاری ہے اور اس سلسلے میں گزشتہ 24 گھنٹوں کے دوران 2,194 افراد کو ویکسین لگائی گئی ہے اور اب تک ملک میں 2,20,66,86,764 افراد کو ویکسین لگائی جا چکی ہے ۔جمعرات کو وزارت صحت کی جانب سے جاری کئے گئے اعداد و شمار کے مطابق، ملک میں فعال کیسز کی تعداد 1793 کم ہو کر 19,613 ہو گئی ہے ۔ اس کے ساتھ ہی مرنے والوں کی تعداد بڑھ کر 5,31,736 ہو گئی ہے ۔ اسی عرصے میں کورونا انفیکشن سے صحت یاب ہونے والوں کی تعداد 3,469 بڑھ کر 4,44,25,250 تک پہنچ گئی ہے ۔ ملک میں گزشتہ 24 گھنٹوں کے دوران مرکز کے زیر انتظام علاقے پڈوچیری میں ایکٹو کیسز کی تعداد میں نو کا اضافہ دیکھا گیا ہے ۔ اس کے علاوہ ناگالینڈ، کرناٹک میں ایک کیس کا اضافہ ہوا ہے ۔ اس کے علاوہ گزشتہ 24 گھنٹوں میں کیرالہ میں سب سے زیادہ 424 کورونا کیسز درج ہوئے ہیں۔ اسی عرصے میں، اتر پردیش میں 179، مہاراشٹر میں 144، اڈیشہ میں 143، تمل ناڈو میں 136، راجستھان میں 123، ہریانہ میں 112 سمیت دیگر ریاستوں آندھرا پردیش، بہار، چنڈی گڑھ، چھتیس گڑھ، دہلی، گوا، گجرات، ہماچل پردیش ، جموں- کشمیر، جھارکھنڈ، مدھیہ پردیش، میگھالیہ، میزورم، پنجاب، سکم، تلنگانہ، تریپورہ اور اتراکھنڈ میں کورونا کے معاملات میں کمی آئی ہے ۔ دوسری جانب راجستھان میں اس بیماری سے چار، ہریانہ میں دو، دہلی، گجرات، مہاراشٹر، پنجاب، اتراکھنڈ اور اتر پردیش میں بالترتیب ایک ایک کی موت ہوئی۔