ٹرر فنڈنگ معاملے میں وادی کے مختلف اضلاع میں چھاپے

سرینگر، بانڈی پورہ، کپوارہ اور سوپور میں کارروائی انجام دی گئی
ٹرر فنڈنگ معاملے میں این آئی اے کی جانب سے وادی کے مختلف اضلاع میں منگل کے روز چھاپے مار کارروائیاں انجام دی گئیں جس دوران کئی جگہوں سے الیکٹرانک آلات، موبائل فون اور اہم دستاویزات برآمد کرنے کا دعویٰ کیاگیا ہے ۔ این آئی اے کی ٹیم نے جموں وکشمیر پولیس اورسی آر پی کے ہمراہ علی الصبح راج باغ سرینگر اور آلوچی باغ سرینگر میں حریت کے دو سینئر کارکنوںکے گھروں پرچھاپے ڈالے اورتلاشی کارروائی عمل میں لائی ۔اسکے علاوہ این آئی اے کی ٹیم نے کپوارہ کے درگمولہ کے علاوہ ،بانڈی پورہ میں بھی چھاپہ مارکارروائیاں عمل میں لائیںاور تلاشی کارروائی کے دوران این آئی اے کی ٹیم نے کئی موبائل فون اور اہم دستاویزات ضبط کرنے کا دعویٰ کیا ہے ۔ این آئی اے نے تلاشی کارروائی اور چھاپوں کے دوران کنبوں سے بھی پوچھ تاچھ کی تاہم چھاپہ ماری کے دوران کسی کی گرفتاری عمل میں نہیں لائی گئی ۔ اس ضمن میں این آئی اے کے ایک سینئرافسر نے اس بات کی تصدیق کی کہ ٹیررفنڈ نگ کے سلسلے میں سرینگر کے علاوہ سرحدی ضلع کپوارہ، سوپو ر بانڈی پورہ میں چھاپے ڈالے گئے ۔