کپواڑہ میں نابالغ لڑکی کی گلا کٹی لاش ملی

کپواڑہ، 29 مارچ (جی این ایس): شمالی کشمیر کے کپواڑہ ضلع کے کھرمہ علاقے کے زاب گاو¿ں میں آج شام ایک 9 سالہ لڑکی کی گلا کٹی لاش ملی، اطلاعات اور حکام نے بتایا۔جی این ایس تک پہنچی رپورٹوں میں کہا گیا ہے کہ زاب گاو¿ں میں خوف و ہراس پھیل گیا کیونکہ ایک نابالغ لڑکی (نام ظاہر نہیں کیا گیا) کی لاش اس کے گھر سے ملحق مشتبہ حالات میں ملی۔ اس لرزہ خیز واقعے نے علاقے کو جھنجھوڑ کر رکھ دیا ہے اور لوگوں کی بڑی تعداد جائے موقع پر جمع ہوئی جب یہ رپورٹ تیار کی جا رہی تھی۔واقعہ کی تصدیق کرتے ہوئے ایک سینئر پولیس افسر نے جی این ایس کو بتایا کہ متعلقہ تفصیلات جمع کرنے کے لیے ایک پولیس ٹیم جائے وقوعہ پر موجود ہے۔مزید تفصیلات کا انتظار ہے۔