بی آر او نے جواہر ٹنل کی مرمت کا ٹھیکہ اور ٹینڈر منسوخ کردئے

جواہر ٹنل کی تجدید و مرمت کا کام سست رفتاری سے جاری رکھنے کا شاخسانہ
سرینگر/سرینگر جموں شاہراہ پر واقع جواہر ٹنل کی تجدید و مرمت کے حوالے سے جاری کردہ ٹینڈر اور الاٹ منٹ کو بی آر او نے منسوخ کرکے اس حوالے سے نئے ٹینڈر اجرا کرنے کا فیصلہ کیا ہے کیوں کہ مذکورہ کمپنی نے پانچ ماہ گزرنے کے بعد مطلوبہ کام انجام نہیں دیا ۔ اطلاعات کے مطابق سرینگر جموں شاہراہ پر واقع جواہر ٹنل کی تجدید و مرمت کے کےلئے بی آر او نے ٹینڈر اجرا کئے تھے اور ایک کمپنی کو یہ کام باضابطہ الاٹ بھی کیا گیا تھا اور ایک سال کی مدت میں کام مکمل کرنے کی ہدایت کی گئی تھی تاہم مذکورہ کمپنی نے پانچ مہینے میں محض تین فیصدی کام ہی مکمل کرلیا ہے جس کی وجہ سے بارڈر روڑ آرگنائزیشن نے یہ الاٹمنٹ اور ٹینڈر کو منسوخ کردیا ہے اور اس سلسلے میں جلد ہی نئے ٹینڈر نکالنے کا فیصلہ بھی کیا ہے ۔باوڈر روڈ آرگنائزیشن کے اعلیٰ ذمہ داروں نے اس بات کی تصدیق کی کہ جموں سرینگر شاہراہ پرموجود جواہرٹنل کوجدید آلات سے لیس کرنے ا سکی مرمت کرنے کے ضمن میں پانچ ماہ پہلے ٹینڈ راجراءکئے گئے اور ٹھیکہ ایک کمپنی کوالرٹ بھی کیاگیا تاہم متعلقہ کمپنی نے پانچ ماہ کے اندرصرف دو سے تین فیصدی تک کاکام مکمل کیاجو قوائدو ضوابط کی کھلی خلاف ورزی تھی جسکے بعد کمپنی کے ساتھ تمام معاہدوں کومنسوخ کرکے ا سے برخواست کرکے نئے سرے سے ٹینڈر اجراءکرنے کافیصلہ کیاگیا ہے اور یہ کارروائی آنے والے دنوں کے دوران پوری کی جائے گی ۔