جموں کے ہاپوڑ میں لڑکی کا قتل، ملزم پولیس کو گمراہ کرنے کے لیے بتا رہا تھاخودکشی

ہاپوڑ،26مارچ (اے یوایس ) 22 مارچ کو تھانہ دیہات علاقہ کے بھیم نگر میں رہنے والے ایک نوجوان نے ایک لڑکی کا گلا دبا کر قتل کردیا۔ واقعہ کو خودکشی قرار دیتے ہوئے اس کی اطلاع پولیس کو دی گئی۔ پوسٹ مارٹم رپورٹ میں قتل کی تصدیق کے بعد پولیس نے ملزمان کی تلاش شروع کردی۔ ملزم کو گرفتار کر لیا گیا ہے۔ ملزم کے خلاف رپورٹ درج کر لی گئی ہے۔آسام کے سونی پور ضلع کے تھانہ رنگ پورہ علاقے کے تحت گاو¿ں نامونیگاو¿ کے رہنے والے طالب علی نے بتایا کہ آٹھ سال قبل وہ اپنے خاندان کے ساتھ جموں میں رہ رہے تھے۔ تقریباً چار ماہ قبل ہاپوڑ کوتوالی علاقے کی بے سہارا خدمت کمیٹی کا رہنے والا آشو جموں آیا تھا۔ اس دوران وہ اپنی 16 سالہ بیٹی ماہنور کے ساتھ فرار ہوگیا۔ملزم آشو ہاپوڑ آیا اور تھانہ دیہات علاقہ کے محلہ بھیم نگر میں کرائے کے مکان میں رہنے لگا۔ 22 مارچ کو جھگڑے کے بعد اس نے اپنی بیٹی کا گلا دبا کر قتل کردیا۔ پولیس کو دھوکہ دینے کے لیے اس نے بیٹی کی خودکشی کی اطلاع دی تھی تاہم پوسٹ مارٹم رپورٹ میں بیٹی کی موت گلا دبانے سے ہونے کی تصدیق ہوگئی۔ اسٹیشن انچارج آشیش کمار نے بتایا کہ ملزم آشو کو ہفتہ کی شام اس معاملے میں گرفتار کر لیا گیا ۔