راہل گاندھی نے رکن اسمبلی کے طور پر نااہل قرار دیے جانے کے بعد اپنے ٹوئٹر اکاو¿نٹ کا بائیو تبدیل کیا

کانگریس لیڈر راہل گاندھی نے رکن اسمبلی کے طور پر نااہل قرار دیئے جانے کے بعد اپنے ٹوئٹر اکاو¿نٹ کا بائیو اپ ڈیٹ کیا ہے۔ خود کو کانگریس کا رکن کہنے کے ساتھ ساتھ انہوں نے ”نااہل ایم پی“ بھی لکھا ہے۔ راہل گاندھی نے کرناٹک میں 2019 کے لوک سبھا انتخابات سے قبل ایک انتخابی ریلی میںمودی کنیت کا استعمال کرتے ہوئے ایک تبصرہ کیا۔ کرناٹک کے کولار میں ایک انتخابی ریلی سے خطاب کرتے ہوئے راہل گاندھی نے کہا تھا کہ ”تمام چوروں کو مودی کا نام کیسے دیا جاسکتا ہے“۔ راہل گاندھی کے خلاف مجرمانہ ہتک عزت کا مقدمہ گجرات سے بی جے پی کے سابق ایم ایل اے پرنیش مودی نے دائر کیا تھا۔ راہل کو اسی معاملے میں سزا سنائے جانے کے بعد ایم پی کے طور پر نااہل قرار دیا گیا ہے۔راہل گاندھی کو لوک سبھا کی رکنیت سے نااہل قرار دیے جانے کی مخالفت میں پارٹی لیڈر اور کارکنان آج مہاتما گاندھی کے مجسموں کے سامنے ایک روزہ ستیہ گرہ کر رہے ہیں۔ پارٹی کے مطابق یہ سنکلپ ستیہ گرہ راہل گاندھی کے ساتھ یکجہتی کے لیے تمام ریاستوں اور اضلاع میں مہاتما گاندھی کے مجسموں کے سامنے منعقد کیا جا رہا ہے۔ یہ صبح 10 بجے سے شام 5 بجے تک جاری رہے گا۔کانگریس جنرل سکریٹری پرینکا گاندھی نے آج کارکنوں سے خطاب کرتے ہوئے کہا کہ پارلیمنٹ میں میرے شہید والد کی توہین کی گئی ہے۔ شہید کے بیٹے کی توہین کی جاتی ہے۔ انہیں میر جعفر کہا جاتا ہے۔ میری ماں کی توہین کی جاتی ہے۔ تمہارا وزیر کہتا ہے کہ اس کا باپ کون ہے؟ آپ کے وزیر اعظم گاندھی خاندان سے کہتے ہیں کہ وہ کنیت نہرو کیوں نہیں استعمال کرتے؟ آپ کے خلاف کوئی کیس نہیں ہے، آپ کی رکنیت منسوخ نہیں کی گئی ہے۔پرینکا گاندھی نے کہا کہ راہل گاندھی نہ تو کسی کے سامنے جھکتے ہیں اور نہ ہی کسی سے ڈرتے ہیں۔ یہ تمام فیصلے بھارت جوڑو یاترا کی وجہ سے لیے جا رہے ہیں۔ کیا نیرو مودی او بی سی ہے؟ کیا میہول چوکسی او بی سی ہے؟ کیا للت مودی او بی سی ہیں؟ وہ مفرور ہیں اور جب ہم مفرور کے بارے میں بات کرتے ہیں تو آپ کو دکھ ہوتا ہے۔ اگر آپ خاندان پرست کہتے ہیں تو بھگوان رام کون تھا؟ کیا وہ خاندانی تھا؟ کیا پانڈو خاندان پرست تھے؟ اور کیا ہمیں شرم آنی چاہیے کہ ہمارے خاندان کے افراد اس ملک کے لیے شہید ہوئے؟