رعناواری میں ایک بھار پر محکمہ بجلی اور مقامی لوگ آمنے سامنے
میٹروں کی تنصیب کے خلاف صارفین کا شدید غم و غصہ اوردھرنا

سرینگر/23 مارچ / /مقامی لوگوں کی جانب سے سمارٹ میٹروں کی تنصیب کے خلاف مزاحمت کے بعد رینا واڑی کے علاقوں میں بجلی کی فراہمی منقطع ہو گئی۔پائین شہر کے رعناواری علاقے میں سمارٹ میٹروں کی تنصیب کے خلاف لوگوں نے سخت احتجاجی مظاہرے کئے جس دوران رعناواری چوک میں ٹریفک بُری طرح سے متاثر ہوا ۔ لوگوں نے محکمہ پر الزام عائد کیا ہے کہ محکمہ عام لوگوں کے خلاف سخت اقدامات اُٹھاکر انہیں ذہنی پریشانیوں میں مبتلا کرتا ہے ۔ پائین شہر کے رعناواری علاقے میں جمعرات کو ایک بار پھر لوگوں نے سڑک پر نکل کر محکمہ بجلی کے خلاف سخت احتجاج کرتے ہوئے سمارٹ میٹروں کی تنصیب کا کام روک دیا ۔ لوگوں نے کہا کہ اس ماہ مبارک میں جو انصاف اور صلہ رحمی کا درس دیتا ہے کشمیر پاور ڈسٹری بیوشن کارپوریشن ظالمانہ رویہ اختیار کئے ہوئے ہیں ۔ ذرائع کے مطابق سرینگر کے پائین علاقہ رعناواری کے مین چوک پر درجنوں خواتین نے سڑک پر آکر ٹریفک بلاک کر دی۔کے پی ڈی سی ایل اور انتظامیہ کے خلاف نعرے بازی کے درمیان مظاہرین کا کہنا تھا کہ گزشتہ دو دنوں سے رعناواری کے کچھ حصے تاریکی میں ڈوبے ہوئے ہیں۔ انہوں نے الزام لگایا کہ کے پی ڈی سی ایل نے سمارٹ میٹروں کی تنصیب میں مزاحمت کرنے پر سزا دینے کے لیے بجلی کی سپلائی بند کر دی۔اور محکمہ ایک آمر کے طور پر کام کر رہا ہے، لوگوں کو دبانے کے لیے قانون نافذ کرنے والے اداروں سے مدد مانگ رہا ہے۔مظاہرین میں سے ایک خاتون نے بتایا اگر ہمارے علاقے میں سمارٹ میٹر لگائے جائیں تو ہم بجلی کے بھاری بل ادا نہیں کر سکیں گے۔ حکومت ہمیں جھکنے پر مجبور کر رہی ہے،“ ۔ سمارٹ میٹروں کی تنصیب نے سرینگر شہر میں جگہ جگہ احتجاجی مظاہرے کیے ہیں۔ کچھ جگہوں پر، مشتعل لوگوں نے سمارٹ میٹروں کو نقصان پہنچایا، جس سے کے پی ڈی سی ایل کو مظاہرین کے خلاف پولیس مقدمات درج کیا گیا ہے ۔