جاپانی وزیر اعظم کشیدا فومیو22 مارچ کو ہندوستان کا دورہ کریں گے۔ وزارت خارجہ

 نئی دلی۔ 10 ؍ مارچ۔  جاپانی وزیر اعظم کشیدا فومیو 20 اور 21 مارچ کو تجارت اور سرمایہ کاری سمیت مختلف شعبوں میں دوطرفہ تعاون کو مضبوط کرنے کے طریقوں پر تبادلہ خیال کرنے کے لیے ہندوستان کا دورہ کریں گے۔ وزارت خارجہ  نے جمعہ کو ایک بیان جاری کیا۔بیان میں کہا گیا ہے کہ جاپانی وزیر اعظم اپنے ہندوستانی ہم منصب نریندر مودی کے ساتھ وسیع بات چیت کریں گے، جس میں دو طرفہ تعلقات کے تمام پہلوؤں کا احاطہ کیا جائے گا۔وزارت خارجہ  نے کہا، "جاپان کے وزیر اعظم کشیدا فومیو 20 سے 21 مارچ کو ہندوستان کا سرکاری دورہ کریں گے۔”وزارت نے بیان میں کہا کہ "اپنے دورے کے دوران، وہ ہندوستان کے وزیر اعظم نریندر مودی سے ملاقات کریں گے۔ دونوں فریق باہمی دلچسپی کے دو طرفہ اور علاقائی امور پر بات کریں گے۔ وزارت خارجہ کے  مطابق، دونوں رہنما ہندوستان کی G20 صدارت اور جاپان کی G7 صدارت کے لیے ترجیحات پر بھی تبادلہ خیال کریں گے۔ وزارت خارجہ امور  نے کہا، "وہ اپنی متعلقہ G7 اور G20 صدارت کی ترجیحات پر بھی تبادلہ خیال کریں گے۔”ہندوستان اس وقت 20 معیشتوں کے گروپ کی 2023 کی سربراہ ہے۔ جاپان میں پارلیمانی اجلاس کی وجہ سے جاپانی وزیر خارجہ یوشیماسا حیاشی جی 20 وزرائے خارجہ کے اجلاس میں شرکت نہیں کر سکے۔ 3 مارچ کو جاپانی وزیر خارجہ نے 8ویں رائسینا ڈائیلاگ میں شرکت کی۔انہوں نے پینل "دی کواڈ اسکواڈ: پاور اینڈ پرپز آف دی پولیگون” سے خطاب کیا اور کہا کہ کواڈ فوجی تعاون کا مقابلہ کرنے یا اس کی پیروی کرنے کی کوشش نہیں ہے، بلکہ عملی تعاون کو فروغ دینے کے لیے ہے۔ وزیر حیاشی نے یہ بھی کہا کہ کواڈ، بنیادی اقدار کے حامل چار ممالک کے طور پر، قانون کی حکمرانی پر مبنی ایک آزاد اور کھلے بین الاقوامی نظم کو برقرار رکھنے اور اسے مضبوط بنانے کے لیے کوششوں کی قیادت کرنے کا ارادہ رکھتا ہے۔جاپان نے جی 7 کے دیگر ارکان کے ساتھ مل کر روس کے خلاف اقتصادی پابندیاں بڑھا دی ہیں۔ تاہم بھارت نے روس پر پابندیاں عائد کرنے سے گریز کیا ہے۔ہندوستان "گلوبل ساؤتھ” کے ایک اہم رکن کے طور پر بھی ابھرا ہے، ایک اصطلاح جو ایشیا، افریقہ اور لاطینی امریکہ کے ترقی پذیر ممالک سے مراد ہے۔