پی ایم  مودی نے میگھالیہ  میں ہر ووٹر تک پہنچنے کی کوششوں کے لیے  الیکشن کمیشن کی ستائش کی

نئی دہلی/شیلانگ۔27؍ فروری/ وزیر اعظم نریندر مودی نے اتوار کو الیکشن کمیشن آف انڈیا کی جانب سے میگھالیہ میں ہر اہل ووٹر کیلئے  آسانی کے ساتھ ووٹ ڈالنے کو یقینی بنانے کی یادگار کوششوں میں شامل تمام لوگوں کی ستائش کی۔ یہ بات وزیر اعظم کے دفتر کی طرف سے ایک پریس ریلیز میں بتائی گئی۔ای سی آئی نے میگھالیہ کے 59 اسمبلی حلقوں میں 974 پولنگ ٹیمیں روانہ کی ہیں۔پی آئی بی میگھالیہ کے ایک ٹویٹ کے جواب میں، وزیر اعظم نے ٹویٹ کیا؛”یہ ای سی آئی کی جانب سے اس یادگار کوشش کی ایک اور مثال ہے کہ ہر اہل ووٹر آسانی سے ووٹ ڈال سکے۔ ان تمام لوگوں کے لیے جو ان ٹیموں کا حصہ ہیں، ان کی کوششوں  کی میں ستائش کرتا ہوں۔ اس سے ووٹروں کو ریکارڈ تعداد میں ٹرن آؤٹ کرنے اور ہماری جمہوریت کو مزید مضبوط کرنے کی ترغیب دینی چاہیے۔‘‘انتخابی عہدیداروں نے پورے میگھالیہ کے پولنگ بوتھوں تک اپنا راستہ بنایا، پہاڑی راستوں کو ٹریک کرتے ہوئے، کیچڑ والی ندیوں کو عبور کرتے ہوئے اور گھنٹوں پیدل چلتے ہوئے اپنی ڈیوٹی انجام دی۔ اس سے پہلے چیف الیکٹورل آفیسر ایف آر کھرکنگور نے بتایا کہ 59 اسمبلی سیٹوں کے انتخابات کے لیے 3,419 بوتھس پر 19,000 سے زیادہ پولنگ اہلکاروں کو تعینات کیا گیا ۔کھرکنگور نے کہا کہ پولنگ ٹیموں کو دشوار گزار علاقوں سے سفر کرتے ہوئے پہاڑی راستوں کو ٹریک کرنا پڑا، کیچڑ بھرے دریاؤں کو عبور کرنا پڑا – کچھ علاقوں میں روپ ویز کے ذریعے، اپنی منزل تک   پہنچے۔انہوں نے کہا کہ مشرقی خاصی ہلز ضلع میں شیلا اسمبلی حلقہ کے نونگریٹ پولنگ اسٹیشن کی طرف روانہ ہونے والی ایک ٹیم نے خوبصورت جڑ کے پل کے قریب واقع اپنی منزل تک پہنچنے کے لیے 6,000 قدم چلائے۔ انتخابی اہلکاروں کو املریم حلقے کے کامسنگ پولنگ اسٹیشن تک پہنچنے کے لیے ایک کشتی چلانا پڑی، جہاں صرف 35 ووٹرز ہیں۔سی ای او نے کہا کہ کچھ ٹیموں نے ای وی ایم اور دیگر اشیاء کو لے جانے کے لیے روایتی کھاسی ٹوکری ‘کھوہ’ کا استعمال کیا۔