کولگام لینڈ سلائنڈنگ میں دو مکانوں اور تین دکانوں کو نقصان

سری نگر،23فروری/جنوبی کشمیر کے ضلع کولگام کے دمہال ہانجی پورہ علاقے میں مٹی کا تودا گر آنے سے دو رہائشی مکان اور تین دکانوں کو نقصان پہنچا۔ذرائع کے مطابق کولگام کے شالم چی یاری کھاہ علاقے میں مٹی کا تودا گر آنے سے تین دکانوں اور دو مکانوں کو نقصان پہنچا۔انہوں نے کہا کہ یہ دکان فیاض احمد حجام اور عبدالمجید حجام کے تھے۔تحصیلدار دمہال ہانجی پورہ رفیع احمد لون نے یو این آئی کو بتایا کہ اس واقعے میں دو مکانوں اور تین دکانوں کو نقصان پہنچا ہے۔ان کا کہنا تھا کہ واقعے کے متعلق اطلاع موصول ہوتے ہی حکام جائے واردات پر پہنچ گئے۔انہوں نے کہا کہ متاثرین کو فوری طور پر محفوظ جگہ منتقل کیا گیا ہے اور انہیں ہر ممکن امداد فراہم کیا جا رہا ہے۔موصوف نے کہا کہ لینڈ سلائنڈنگ سے نادی مرگ – دمہال ہانجی پورہ روڈ بند ہوا ہے اور سڑک سے ملبے کو صاف کرنے کے لئے مشینری اور نفری کو کام پر لگا دیا گیا ہے۔انہوں نے کہا کہ انتظامیہ صورتحال پر کڑی نظر رکھے ہوئے ہے۔