چین میں کورونا پابندیوں کیخلاف مظاہرے

عوام کا سڑکوں پر نکل کر نعرے بازی، کووڈ پالیسی مسترد
بیجنگ: ۷۲ نومبر (ایجنسیز) چین میں کرونا پابندیوں کے خلاف لوگ سڑکوں پر نکل آئے ہیں، ارومچی اور بیجنگ میں حکومتی اقدامات کے خلاف احتجاج کیا اور نعرے باری کی، مظاہرین نے حکومت کی زیرو کووِڈ پالیسی کو مسترد کر دیا۔ دنیا کی سب سے بڑی معیشت رکھنے والا ملک چین میں گزشتہ روز (26 نومبر کو) 34 ہزار 909 کورونا کے ریکارڈ کیسز رپورٹ ہوئے۔ چین میں کورونا کسیز میں اضافے کی وجہ سے حکام نے شہریوں کی نقل و حرکت پر پابندی لگا دی اور کاروبار پر لاک ڈاو¿ن نافذ کردیا۔ سرکاری خبر رساں ادارے ’ڑنہوا‘ کے مطابق 24 ستمبر کی رات ارومچی میں ایک عمارت میں آگ لگنے سے 10 افراد جاں بحق اور 9 زخمی ہوئے تھے جس کے بعد شمالی مغربی سنکیانگ کے علاقے میں شہریوں نے شدید احتجاج کیا۔ اے ایف پی کے مطابق چین میں سخت لاک ڈاو¿ن کی وجہ سے چینی حکام نے لوگوں کے گھر کےدروازوں کو لوہے کی تاروں سے بندکردیا تھا جس کی وجہ سےرہائیشی افراد عمارت سے باہر نہیں نکل سکے تاہم چینی حکام نے الزامات کی تردید کردی ہے۔ البتہ ارومچی کی سڑکوں پر سخت لاک ڈاو¿ن کے خلاف احتجاج کیا گیا، مظاہروں کی وہڈیو سوشل میڈیا میں گردش کررہی تھی جس میں لوگوں کے ہجوم کو دیکھا جاسکتا ہے۔ ویڈیوز میں دیکھا جاسکتا ہے کہ سیکٹروں لوگ ارمچی کے سرکاری دفاتر کے باہر جمع ہورہے ہیں اور ’لاک ڈاو¿ن ختم کرو‘ کے نعرے لگائے جارہے ہیں، ایک اور فوٹیج میں درجنوں لوگ شہر کے مشرقی علاقے میں احتجاج کررہے ہیں اور سیکیورٹی اہلکاروں اور حکام کے خلاف نعرے لگا رہے ہیں۔ ویڈیو میں دیکھا جاسکتا ہے کہ ایک پلازہ میں لوگ چین کا قومی ترانہ پڑھ رہے ہیں جس میں وہ کہہ رہے ہیں کہ ’ا±ٹھو! وہ لوگ جو غلام نہیں بننا چاہتے‘ جبکہ کئی مظاہرین نے لاک ڈاو¿ن ختم کرنے کے نعرے لگائے