کورونا کے فعال معاملوں کی تعداد 6209 ہوگئی

نئی دہلی، 22 نومبر (یو این آئی) ملک میں گزشتہ 24 گھنٹوں کے دوران کورونا وائرس کے 193 فعال معاملات میں کمی کے بعد ان کی مجموعی تعداد کم ہو کر 6209 ہو گئی ہے ۔ اس وبا کی وجہ سے مزید پانچ مریض دم توڑ چکے ہیں۔ ملک کی چھ ریاستوں اور ایک مرکز کے زیر انتظام علاقوں میں فعال معاملوں میں اضافہ ہوا ہے جبکہ ریاستوں اور مرکز کے زیر انتظام علاقوں میں کمی آئی ہے ۔ صحت اور خاندانی بہبود کی مرکزی وزارت نے منگل کو کہا کہ صبح 7 بجے تک 219.87 کروڑ سے زیادہ ویکسین دی گئی ہیں۔ اسی عرصے میں کورونا کے 193 فعال معاملوں کم ہوئے اور اس وبا سے پانچ افراد کی موت کے بعد مرنے والوں کی تعداد 5,30,591 تک پہنچ گئی ہے ۔ یومیہ انفیکشن کی شرح 1.19 فیصد ہے ۔ وزارت صحت کے مطابق گزشتہ 24 گھنٹوں کے دوران اس وبا سے 482 افراد کی شفایابی کے بعد ان کی مجموعی تعداد 4 کروڑ 41 لاکھ 32 ہزار 915 ہو گئی ہے ۔ ملک میں صحت یابی کی شرح 98.80 فیصد ہے ۔ ایکٹو کیس کی شرح 0.1 فیصد ہے اور موت کی شرح 1.19 فیصد ہے ۔ قومی راجدھانی دہلی میں 12 فعال معاملوں کی کمی کے ساتھ ان کی کل تعداد 115 ہو گئی ہے اور اب تک 19,80,254 افراد کورونا مرض سے صحت یاب ہوچکے ہیں ۔ یہ راحت کی بات ہے کہ مرنے والوں کی تعداد 26,516 تک برقرار ہے ۔