دہلی فسادات کے ملزم عمر خالد کی اپیل خارج

ہمیں واضح طور پر اس اپیل میں کوئی میرٹ نظر نہیں آتا: دہلی ہائی کورٹ
نئی دہلی، 18 اکتوبر (یو این آئی) دہلی ہائی کورٹ نے 2020 دہلی فسادات کے ملزم عمر خالد کی ٹرائل کورٹ کے فیصلے کو چیلنج کرنےوالی اپیل کو خارج کر دیا ہے ۔ ہائی کورٹ بنچ نے ان کی درخواست ضمانت بھی مسترد کر دی۔ خالد کے خلاف غیر قانونی سرگرمیاں روک تھام ایکٹ (یو اے پی اے ) کے تحت درج کیس میں ٹرائل کورٹ نے اسے سازشی قرار دیا ہے ۔ دہلی ہائی کورٹ کی بنچ، جس نے خالد کی درخواست پر سماعت کی، کہاکہ ہمیں واضح طور پر اس اپیل میں کوئی میرٹ نظر نہیں آتا۔ بنچ نے کہاکہ ”یہ نہیں کہا جا سکتا کہ عمر خالد کے خلاف جرم کا کوئی مقدمہ نہیں بنایا گیا ہے ۔ 4 دسمبر 2019 (مرکزی کابینہ کی طرف سے شہریت ایکٹ میں ترمیم کا فیصلہ) کے بعد ہر روز جو کچھ ہو رہا تھا اس کے جامع حساب کتاب کو ایک طرف نہیں کیا جا سکتا۔ عدالتی بنچ نے عمر خالد کی ضمانت مسترد کرتے ہوئے کہا کہ ریکارڈ شدہ بیانات اس بات کی تصدیق کرتے ہیں کہ عمر خالد نے سیلم پور میں ‘پنجرا توڑو’ تنظیم کے اراکین اور دیگر کے ساتھ میٹنگ کی تھی، جہاں یہ فیصلہ کیا گیا تھا کہ مقامی خواتین کو اس کے لیے ترغیب دی گئی تھی کہ فسادات کی تیاری کے لیے چاقو، تیزاب کی بوتلیں، پتھر، مرچ پا¶ڈر جمع کریں۔” ٹرائل بنچ نے خالد کی جانب سے کی گئی ان گزارشات کو مسترد کر دیا کہ سیکورٹی گواہوں کے بیانات مشکوک اور ناقابل اعتبار ہیں اس لیے وہ مسترد کیے جانے کے مستحق ہیں۔ عدالت نے کہا کہ کوئی بھی ان جھگڑوں پر آنکھیں بند نہیں کر سکتا، جس کے بارے میں استغاثہ نے کہا ہے کہ 2020 کے دہلی فسادات کی وجہ تھی۔ عدالت نے کہا کہ سی سی ٹی وی پر دیکھی گئی فلمیں اور اس وقت فسادات کے بعد ریکارڈ کی گئی تمام کالوں پر دیگر بیانات کے ساتھ قابل توجہ ہیں۔ عدالت نے نوٹ کیا کہ خواتین مظاہرین نے پولیس اہلکاروں پر آگے سے حملہ کیا اور پیچھے سے دوسرے عام لوگوں نے بھی ایسا ہی کیا جس سے علاقے میں فسادات ہوئے ۔ اس طرح کے واقعات اچھی طرح سے منصوبہ بندی کی نشاندہی کرتے ہیں اور پہلی نظر میں یہ دہشت گردی کی ایکٹ کی تعریف میں آتے ہیں۔ عدالت نے کہا کہ فسادات میں جس طرح سے ہتھیاروں کا استعمال کیا گیا اور اس سے ہونے والی ہلاکتیں اور تباہی اس بات کی نشاندہی کرتی ہے کہ یہ سب منصوبہ بند طریقے سے کیا گیا تھا۔ عمر خالد کا نام سازش کے آغاز سے لے کر فسادات پھوٹنے تک بار بار آتا رہا۔ عدالت نے یہ بھی مشاہدہ کیا کہ ایسا معلوم ہوتا ہے کہ دارالحکومت میں مختلف مقامات پر سڑکوں پر رکاوٹیں اور مظاہرے انتقامی ٹریفک جام اور اشتعال انگیزی اور فسادات کو بڑھانے کی سوچی سمجھی سازش کا حصہ تھے ۔