ڈوڈہ میں گاڑی گہری کھائی میں جاگری ،ڈرائیور موقع پر ہی از جان

ڈوڈہ کے جاٹھی ون علاقے میں ایک گاڑی گہری کھائی میں جاگری جس کے نتیجے میں ڈرائیور کی موقع پر ہی موت واقع ہوئی جبکہ ساتھی شدید طورپر زخمی ہوا۔ اطلاعات کے مطابق ڈوڈہ کے جاٹھی ون علاقے میں اُس وقت سنسنی اور خوف ودہشت کا ماحول پھیل گیا جب ایک گاڑی ڈرائیور کے قابو سے باہر ہو کر گہری کھائی میں جاگری جس کے نتیجے میں گاڑی میں سوار دو افراد شدید طورپر زخمی ہوئے۔ نمائندے نے بتایا کہ حادثے کی اطلاع ملتے ہی مقامی لوگوں اور پولیس نے ریسکیو آپریشن شروع کیا جس دوران زخمیوں کو علاج ومعالجہ کی خاطر نزدیکی ہسپتال لے جایا گیا جہاں پر تعینات ڈاکٹروں نے سنجے سنگھ نامی ڈرائیور کو مردہ قرار دیا۔ پولیس نے اس سلسلے میں کیس درج کرکے مزید تحقیقات شروع کی ۔