راجستھان میں پاکستانی سرحد کے قریب پونچھ کے دو نوجوان گرفتار

سرینگر/راجستھان میں پاکستانی سرحد کے قریب دو کشمیری نوجوانوں کو گرفتار کرلیا گیا ہے ۔ اطلاعات کے مطابق جموں کشمیر سے تعلق رکھنے والے دو نوجوانوں کو رجستھان کے جسلمیر ضلع میں بھارت پاکستان سرحد کے قریب گرفتار کرلیا گیا۔ پولیس نے اس ضمن میں بتایا کہ یہ دونوں بغیر اجازت اس علاقے میں امداد جمع کررہے تھے ۔ پولیس کے مطابق دونوں سے پوچھ تاچھ کے بعد انہیں جوائنٹ انسٹگیشن کمیٹی کے سپرد کیا گیا۔ پولیس کے ایچ ایچ او نے بتایا کہ ضلع میں کام کررہی خفیہ ایجنسیاں ان کے پوچھ تاچھ کریں گی۔ انہوںنے گرفتار شدگان کی شناخت جمیل اقبال عمر 23برس اور معروف حسین عمر 25 برس ساکنان پونچھ کے بطور کی ہے ۔ پولیس نے بتایا کہ جب انہیں دو مشکوک نوجوانوں کی علاقے میں گھومنے کی اطلاع ملی تو دونوں کو فوری طور پر گرفتار کرلیا گیا ۔ انہوںنے بتایا کہ ابھی تک دونوں سے کوئی بھی مشکوک چیز یا اور دیگر کچھ قابل اعتراض دستاویزات برآمد نہیں ہوئی ہے تاہم ان سے پوچھ تاچھ جاری ہے ۔