ملک میں کورونا کے فعال معاملوں کی تعداد میں کمی

متاثرہ افراد کے صحت یاب ہونے کی شرح بڑھ کر 98.71 فیصد ہوگئی
نئی دہلی، 24 ستمبر (یو این آئی) گزشتہ 24 گھنٹے کے دوران ملک میں کووڈ-19 کے فعال معاملوں کی تعداد 845 کم ہو نے سے ان کی تعداد کم ہو کر 44,436 ہو گئی ہے اور اس دوران متاثرہ افراد کے صحت یاب ہونے کی شرح بڑھ کر 98.71 فیصد ہوگئی ہے ۔ صحت اور خاندانی بہبود کی مرکزی وزارت نے ہفتہ کو کہا کہ صبح 7 بجے تک 217.41 کروڑ ویکسین دی گئی ہیں۔ اسی عرصے میں 5 ہزار 719 افراد کورونا سے نجات حاصل کر چکے ہیں جس کی وجہ سے صحت یاب ہونے والوں کی تعداد اب بڑھ کر 4 کروڑ 39 لاکھ 90 ہزار 414 ہو گئی ہے ۔ فعال کیسز کی شرح 0.10 فیصد،یومیہ انفیکشن کی شرح 1.69 فیصد اور اموات کی شرح 1.19 فیصد پر برقرار ہے ۔ وزارت صحت کے مطابق گزشتہ 24 گھنٹوں کے دوران کورونا وبا کے انفیکشن کے 4 ہزار 912 نئے مریضوں کی تصدیق ہوئی ہے جس کے بعد اب متاثرہ مریضوں کی مجموعی تعداد 4 لاکھ 45 ہزار 633 ہو گئی ہے اور اس دوران مزید 19 مریض جاں بحق ہوئے جس سے یہ تعداد بڑھ کر 528487 ہو گئی ہے ۔ گزشتہ 24 گھنٹوں میں 3,03,888 کووڈ ٹیسٹ کیے گئے ہیں۔ جس کے بعد ٹیسٹوں کی کل تعداد 89.33 کروڑ ہو گئی ہے ۔ ملک میں گزشتہ 24 گھنٹوں میں نو ریاستوں اور ایک مرکز کے زیر انتظام علاقوں میں ایکٹیو کیسز میں اضافہ ہوا ہے اور دیگر ریاستوں اور مرکز کے زیر انتظام علاقوں میں اس کے کیسز میں کمی دیکھی گئی ہے ۔ مغربی بنگال میں گزشتہ 24 گھنٹوں میں 170 ایکٹو کیسز کے اضافے کے ساتھ، ان کی کل تعداد بڑھ کر 2835 ہو گئی ہے اور اس وبا سے صحت یاب ہونے والوں کی تعداد بڑھ کر 20,88,229 ہو گئی ہے ۔ اس عرصے میں مرنے والوں کی تعداد 21,494 تک پہنچ گئی ہے ۔ قومی راجدھانی میں ایک کورونا ایکٹیو کیس کی کمی کی وجہ سے ان کی تعداد 430 تک آ گئی ہے اور اب تک 19,75,936 لوگ اس وبا سے ٹھیک ہو چکے ہیں۔ گزشتہ 24 گھنٹوں میں مرنے والوں کی تعداد 26,501 پر مستحکم ہے ۔ مہاراشٹر میں 78 کورونا ایکٹیو کیسز کی کمی کے ساتھ ان کی تعداد 3779 پر آ گئی ہے اور ریاست میں کووڈ-19 سے صحت یاب ہونے والوں کی تعداد بڑھ کر 79,66,082 ہو گئی ہے ۔ اس عرصے کے دوران مزید دو مریضوں کی ہلاکت کی وجہ سے مرنے والوں کی تعداد 1,48,324 تک پہنچ گئی ہے ۔