حیدرآباد، 18 ستمبر (یو این آئی) نیشنل انوسٹی گیشن ایجنسی (این آئی اے) نے اتوار کو دہشت گردی سے تعلق کے شبہ کی بنیاد پر تلنگانہ کے نظام آباد، جگتیال، نرمل اور بھینسا میں پاپولر فرنٹ آف انڈیا (پی ایف آئی) کے لیڈروں اور حامیوں کے مکانات، دکانوں اوردفاتر میں چھاپے مارے۔معلومات کے مطابق این آئی اے حکام نے چار گروپوں میں تقسیم ہو کر نظام آباد میں 20 مقامات پر چھاپے مارے۔ نظام آباد کی اطلاع کی بنیاد پر این آئی اے حکام نے بھینسا پربھی چھاپہ مارا۔این آئی اے افسران نے نظام آباد ضلع کے اڈاپلی ڈویڑن میں شیخ مکید کے گھر پر چھاپہ مارا۔ تلاشی کے دوران این آئی اے نے مبینہ طور پر بینک اکاو?نٹس، لین دین کی تفصیلات جمع کیں اور شیخ مکید کا پاسپورٹ ضبط کرلیا۔جگتیال میں این آئی اے نے مقامی پولیس کے ساتھ مل کر ٹی آر نگر میں میڈیکل کی دکانوں کے علاوہ چار مکانات پر چھاپہ مارا۔ اہلکاروں نے ٹاور سرکل کے علاقے میں بھی تلاشی لی۔ تلاشی کے دوران این آئی اے نے مبینہ طور پر دونوں علاقوں میں ڈیری اور دیگر اہم دستاویزات کو ضبط کرلیا۔