آئی اے ایس اور دیگر آل انڈیا سروس افسران کے ساتھ ساتھ سینٹرل سروسز کے افسران کی جموں و کشمیر میں تعیناتی کیلئے حوصلہ افزائی کے لیے ڈپارٹمنٹ آف پرسونل اینڈ ٹریننگ (ڈی او پی ٹی )کے ڈیپوٹیشن قوانین میں نرمی کی گئی ہے کا دعویٰ کرتے ہوئے مرکزی وزیر مملکت سائنس اور ٹیکنالوجی ڈاکٹر جتیندر سنگھ نے کہا کہ ڈی او پی ٹی نے جموں و کشمیر کے انتظامی خدمات کے افسروں کو آئی اے ایس میں شامل کرنے میں مرکزی کردار ادا کیا ہے۔ مانیٹرنگ ڈیسک کے مطابق نئے بنائے گئے مرکز کے زیر انتظام والے علاقے میں اہم وقت میں افسران کی کمی کو دور کرنے کے لیے کیے گئے کئی اقدامات کے بارے میں میڈیا کو بریفنگ دیتے ہوئے ڈاکٹر جتیندر سنگھ نے کہا کہ اس نرمی کی وجہ سے مختلف خدمات اور مختلف کیڈر سے تعلق رکھنے والے 22 افسران کو جموں و کشمیر میں مختلف سطحوں پر تعینات کیا گیا ہے۔ڈاکٹر جتیندر سنگھ نے کہا کہ ڈی او پی ٹی نے جموں و کشمیر کے انتظامی خدمات کے افسروں کو آئی اے ایس میں شامل کرنے میں مرکزی کردار ادا کیا ہے اور جموں و کشمیر کے مرکز کے زیر انتظام علاقے وزارت داخلہ اور یو پی ایس سی کے ساتھ تال میل قائم کیا ہے۔ اس کے نتیجے میں حال ہی میں جے کے اے ایس کے 16 افسران کو آئی اے ایس میں شامل کیا گیا ہے اور اس طرح کی مزید 8 آسامیاں جلد ہی پ±ر کی جائیں گی جس سے جے کے اے ایس افسران کو 12 سال کے طویل وقفے کے بعد باوقار آئی اے ایس سروس کا حصہ بننے کا موقع ملے گا