محکمہ انکم ٹیکس کے چھاپے،100 کروڑ کی غیر اعلانیہ آمدنی کا انکشاف

بڑے پیمانے پر ٹیکس چوری،پانچ کروڑ کے غیر اعلانیہ اثاثے ضبط کرنے کا دعویٰ
نئی دہلی، 9 ستمبر (یو این آئی) مہاراشٹر میں محکمہ انکم ٹیکس کی جانب سے ریت کی کان کنی، چینی کی پیداوار، سڑک کی تعمیر، صحت کی دیکھ بھال اور میڈیکل کالجوں کو چلانے والے دو گروپوں پر مارے گئے چھاپوں میں 100 کروڑ روپے سے زیادہ کے غیر ظاہر شدہ اثاثوں کے ساتھ۔ کروڑ روپے بھی ضبط کر لیے گئے ہیں۔ آج یہاں جاری ایک بیان میں محکمہ انکم ٹیکس نے کہا کہ 25 اگست کو سولاپور، عثمان آباد، ناسک اور کولہاپور اضلاع میں واقع 20 سے زیادہ احاطوں پر ایک ساتھ یہ کارروائی کی گئی۔ اس دوران شواہد اور دستاویزات وغیرہ ملے ہیں جس سے اندازہ لگایا جا رہا ہے کہ بڑے پیمانے پر ٹیکس چوری کی گئی ہے اور اس کے لیے کئی طریقے بھی اپنائے گئے ہیں۔ ریت کی کان کنی اور چینی پیدا کرنے والے گروپ سے 15 کروڑ روپے سے زیادہ کی غیر معلنہ نقدی برآمد ہوئی ہے ۔ گروپ کے پروموٹرز اور اس کے قرض دہندگان نے اعتراف کیا ہے کہ 10 کروڑ روپے سے زیادہ کی غیر ظاہر شدہ نقد رقم بنائی گئی ہے ۔ اس کے ساتھ غیر رجسٹرڈ کمپنی کے اثاثوں کی فروخت سے 43 کروڑ روپے کے کیپیٹل گین کے ثبوت بھی ملے ہیں۔ محکمہ نے کہا کہ صحت کی دیکھ بھال اور میڈیکل کالج چلانے والے ایک اور گروپ کے یہاں سے برآمد ہونے والے شواہد سے 35 کروڑ روپے کی غیر ظاہر شدہ آمدنی کا پتہ چلا ہے ۔