سرینگر15 اگست/76 ویں یوم آزادی کے موقع پر اور آزادی کا امرت مہواتسو کے ایک حصے کے طور پر، بڈگام میں پولیس نے آج ہر گھر ترنگا کے مشن کو فروغ دینے کے لیے "جشن آزادی کی روح” کے عنوان سے کراس کنٹری پروگرام کا انعقاد کیا۔ تقریب کو ایس ایس پی بڈگام شری طاہر سلیم -جے کے پی ایس نے ہری جھنڈی دکھا کر روانہ کیا۔ یہ تقریب صبح سات بجے ریلوے اسٹیشن بڈگام سے شروع ہوئی اور ضلع پولیس ہیڈ کوارٹر بڈگام پر اختتام پذیر ہوئی۔ اس تقریب میں 800 سے زائد افرادمختلف عمر کے طلباءنے شرکت کی۔پری فلیگ آف” تقریب کے دوران ایس ایس پی بڈگام نے شرکاءسے بات چیت کی اور کہا کہ یوم آزادی 2022 کے موقع پر "جشن آزادی کے جذبے ” کا انعقاد کیا گیا ہے تاکہ ہمارے ان آزادی پسندوں کو یاد کیا جا سکے جنہوں نے قوم کی آزادی کے لیے اپنی قیمتی جانیں قربان کیں۔ اس موقع پر ایس ایس پی بڈگام کے علاوہ ڈی وائی ایس پی ڈار بڈگام، ایس ایچ اوپولیس اسٹیشن بڈگام اور دیگر سینئر افسران موجود تھے اختتامی تقریب ڈسٹرکٹ پولیس ہیڈ کوارٹر بڈگام میں منعقد ہوئی، ایس ایس پی بڈگام نے لڑکوں اور لڑکیوں دونوں زمروں میں پہلے ُ روسرے اور تیسرے مقام پر رہنے والوں میں نقد انعامات، یادگاری نشانات اور اسناد تقسیم کیں۔ لڑکوں کے زمرے میں شاکر احمد ملک نے پہلی، عمر فاروق نے دوسری اور اویس ملک نے تیسری پوزیشن حاصل کی۔لڑکیوں کے زمرے میں مہرین جاوید نے پہلی، شاہستہ شبیر نے دوسری اور عروج بلال نے تیسری پوزیشن حاصل کی۔ایس ایس پی بڈگام نے اختتامی کلمات کے دوران شرکاءکو مبارکباد دی اور تقریب میں شامل ہونے اور اسے کامیاب بنانے پر اظہار تشکر کیا۔
