جموں و کشمیر کے کٹھوعہ ضلع میں 2 الگ الگ سڑک حادثات میں 3 افراد ہلاک اور ایک خاتون زخمی ہوگئی۔اطلاعات کے مطابق پولیس نے بدھ کو بتایاکہ 50سالہ ہری کشور اور اس کی45سالہ بیوی مادھوری ساکنان حمیدپور بہار ، کی ایک سڑک حادثے میں موت ہوگئی جبکہ متوفی ہری کشور کی25سالہ بہن ببیتا، اس وقت شدید زخمی ہوگئی جب جموں،پٹھانکوٹ ہائی وے پر منگل کورات دیر گئے گورنمنٹ میڈیکل کالج کٹھوعہ کے قریب ان کی اسکوٹی کو ٹرک نے ٹکر مار دی۔ پولیس نے بتایاکہ یہ تینوں کٹھوعہ کی سی ٹی ایم کالونی میں اپنے کرائے کی رہائش کی طرف جارہے تھے جب یہ حادثہ پیش آیا۔پولیس نے بتایا کہ زخمی خاتون کو اسپتال میں داخل کرایا گیا ہے جبکہ ٹرک کے ڈرائیور کو گرفتار کر لیا گیا ہے۔ایک اور حادثے میں کٹھوعہ کا رہائشی منگل کی رات برنوتی کے مقام پر ایک نامعلوم گاڑی نے اس کی سائیکل کو ٹکر مار دی تھی۔