جموں کشمیر میں دہشت گردی سے سختی سے نپٹا جائے گا۔ پولیس سربراہ سوائن 

حالیہ ملٹنسی کے واقعات میں ملوث افراد کے بارے میں جانکاری دینے والوں کو 10لاکھ انعام دیا جائے گا 

سرینگر/05نومبر//حال ہی میں پولیس سربراہ کا عہدہ سنبھالنے والے ڈی جی پی آر آر سوائن نے جموں کشمیر میں دہشت گردی کے خلاف سخت کارروائی کا عندیہ دیتے ہوئے کہا ہے کہ حالیہ ٹارگیٹ کلنگ میں ملوث جنگجوﺅں کے خلاف جو کوئی بھی جانکاری فراہم کرے گا ان کو 10لاکھ روپے انعام دیا جائے گا۔ انہوںنے بتایا کہ ان ٹارگیٹ کلنگ کے واقعات میں جو بھی ملوث ہوگا ان کو سخت سزاد ی جائے گی ۔ سوائن نے مزید کہا کہ ہم ان تمام کیسوںکوحل کرنے کے کافی قریب ہے اور جلد ہی مجرمین کو کیفر کردار تک پہنچایاجائے گا۔وائس آف انڈیاکے مطابق جموں و کشمیر کے نو تعینات پولیس چیف آر آر سوائن نے اتوار کو ان لوگوں کو 10 لاکھ روپے انعام دینے کا اعلان کیا جو ایک غیر مقامی مزدور، اورپولیس کانسٹیبل کی ہلاکت اور یونین ٹیریٹری میں ایک پولیس انسپکٹر کو شدید زخمی کر دیاکی حالیہ ٹارگٹ کلنگ کے بارے میں کوئی بھی معلومات فراہم کرتے ہیں۔ سخت الفاظ میںڈائریکٹر جنرل آف پولیس نے کہا کہ کسی کو بھی نہیں بخشا جائے گا۔حال ہی میں سرینگر کے عیدگاہ علاقے میں دہشت گردوں نے ایک انسپکٹر مسرور علی کو گولی مار کر زخمی کر دیا تھاجن کی حالت اب تشویشناک ہے۔اس کے علاوہ پلوامہ کے ترومچی نوپورہ میں ایک غیر مقامی مزدور مکیش کمار اور پٹن کے وائلو اورال پورہ میں ہیڈ کانسٹیبل غلام محمد کو نامعلوم دہشت گردوں نے گولی مار کر ہلاک کر دیا۔سوائن نے نقد انعام کا اعلان کرتے ہوئے مزید کہا کہ وہ ان تینوں معاملات کو حل کرنے کے بہت قریب ہیں۔ انہوں نے مزید کہا کہ جن لوگوں نے دہشت گردوں کو گاڑیاں، فون فراہم کر کے، پناہ دینے یا کسی بھی طرح کی مدد کر کے ان کی حمایت کی ہے ان کے ساتھ قانون کے مطابق سختی سے نمٹا جائے گا۔آر آر سوین نے منگل کو جموں و کشمیر کے 17ویں ڈائریکٹر جنرل آف پولیس کا عہدہ سنبھالا۔ سوین نے سابق ڈی جی پی دلباغ سنگھ سے چارج لیا، جو 31 اکتوبر کو سبکدوش ہو گئے تھے۔1991 بیچ کے آئی پی ایس افسر، آر آر سوین ڈی جی پی جموں و کشمیر کا عہدہ سنبھالنے سے پہلے جموں اور پولیس کے مختلف اہم اور کلیدی عہدوں پر تعینات رہے۔